U sabtas e u duménigues, après u dovers, fasema de spòrt, de música. Parlema damb u autres en vila. Se passear damb u amigues per manjar un tacos e caminar dintre a carriera pedona.

Per e vacance d’envèrn, porema anar far de squi a Auron, en-t a valaia de Tiniá, sus a comuna de Sant Estève de Tiniá. De vòte ese damb una colònia de vacance d’envèrn, dintre una mudanda (chalet).

Segon e annaie ese possíbile d’anar cada mèrcres far de squi a Líusola 2000 damb un grop de joes d’a comuna de Mentan.

Mi, quasi cada envèrn, vago a Entraunas, o val d’Entraunas, en l’auta valaia de Var, perqué u parentes d’amigues an una mudanda. I ese menga conneccian internet. Fago de lieia.

O men barba qu’ese pompíer a ra possibilitat d’aver un moment un apartament a Auron. I anema per far de squi, de lieia, per dos ò tres jornes.

Est estade, mi su stach en Croacia a Mali Lošinj. Una ísora, damb u parentes e a sòrre. Se banhar e far de vísite de musèus. Se ditz Lussinpiccolo en italian dau temps d’a colonizacian veneciana pui italiana. Se poe parlar un pòc italian damb quarques persone dau païse. Una autra vila se sòna Veli Lošinj, Lussingrande en italian.

D’autres pòran parlar un pauc tedesc. Autrament, avema vist una autra ísora, damb un batelàs per transportar e veiture. I san ben de monumentes de l’época romana.

Mi, quasi cada anne, vago en Croacia. O melhor amig dau men paire a una villa damb una piscina e un jacuzzi.

Su tanben anacha a Madagascar perqué o melhor amig de ma maire a un restaurant ailí. Es un restaurant de specialitats de peishes. Ai fach de quad, su anacha veire d’autres vile dau païse. Se parla malgashe e francés tanben. Su anacha dintre una ostaria quatre stele, sonaia Relais de la Reine de l’Isalo. U païsatges san coma en desgradat, tant e tanto de corors variaie. Ai vist tanben de baobabes, d’érbols gigantes. Impressionant.

U collegians d’a classa de quinta dau collègi Maurois de Mentan

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jornalet.com