Era Corporacion Catalana de Mejans Audiovisuaus (3Cat) anoncièc dimèrcles passat ua importanta escomesa entara lengua occitana. Era iniciatiua includís un nau modèl d’informatius e de contenguts en aranés, atau coma era inauguracion d’ua naua sedença ena Val d’Aran.

Eth projècte a coma objectiu principau de refortir era preséncia en territòri, tractar era informacion damb ua amira de proximitat e agranir er usatge der aranés en encastre numeric, mès que mès entath public infantil e joen.

Es principaus nauetats includissen:

• Ua naua seccion d’Aran ena plataforma 3Cat, qu’amassarà tot eth contengut audiovisuau en aranés.

• Un nau modèl de servici informatiu en aranés, damb ua estrategia conjunta de ràdio, television e contengut numeric.

• Connexions en aranés en Catalonha Informacion a trauès dera aplicacion numerica de Catràdio.

• Nau dessenh deth telenotícies Aran previst entà març.

• Contenguts infantils e juvenils en aranés enes canaus SX3 e SuperCampus.

• Creacion de contenguts numerics especifics entà joeni damb era influenciaira Núria Juncà.

• Nau perfil enes hilats sociaus @3CatAran.

Era naua sedença territoriau ena Val d’Aran unifique era redaccion entà ràdio, television e plataformes numeriques, damb melhoraments tecnics significatius.

Aguesta iniciatiua refortís er engatjament de 3Cat entar aranés.