Era sindica d’Aran, Maria Vergés, compareishec dijaus passat en Parlament de Catalonha entà exposar diuèrses demanes d’autogovèrn entara Val d’Aran. Se’n destaque era revendicacion qu’eth Parlament age un sèti aranés obligatòriament elegit dirèctament pes aranesi, ua prepausa ja hèta en 1980 e inspirada en modèls internacionaus coma eth croat.

Tanben demanèc qu’er occitan se podesse utilizar oficiaument enes sessions plenàries, un hèt en realitat ja possible, que i auesse mès recorsi entà promòir er usatge sociau dera lengua e qu’eth territòri siguesse arreconeishut coma ua administracion autonomica pr’amor dera sua singularitat e des competéncies que gerís, coma era sanitat.

Vergés revendiquèc un modèl de finançament especific entà evitar escrancaments administratius e garantir servicis de qualitat. Fin finau, sollicitèc qu’eth debat sus Aran auesse mès preséncia en Parlament, delà dera session annau establida peth regim especiau deth país occitan de cap de Garona.

È demanat ath @parlamentcat q mantengue ua guardada clara sus #Aran e aquerò que represente e comprene que singularitat non ei privilègi, se non respècte. Tà q sigam capables entre toti d'ajudar-mos a èster. Gràcies a toti es deputats/des e membres deth @govern pera sua acuelhuda pic.twitter.com/xFZ1tQBU7f

— Maria Vergés (@mvergesp) November 28, 2024

▶️Vídeo de la compareixença de la síndica d'Aran, @mvergesp, i les intervencions dels grups: https://t.co/TwVLrm53qf

— Parlament de Catalunya (@parlamentcat) November 28, 2024