En Corèa del Sud, oficialament “Republica de Corèa”, lo president Yun Seokyeol (Yoon Suk Yeol), declarèt ièr de ser la lei marciala dins una aparicion sobda retransmesa en dirècte per la cadena de television YTN. Puèi la deguèt retirar. Tot comptat e rebatut, la temptativa de cop d'estat capitèt pas.

La mesura, segon Yun, èra una responsa a las “menaças de las fòrças comunistas de la Corèa del Nòrd”, e cercava “d’eradicar las fòrças antiestatalas prò-Corèa del Nòrd” e “de protegir lo liure òrdre constitucional”.

La lei marciala implica la suspension temporala dels dreches civils e l’aplicacion de leis militaras, amb lo poder militar qu’assumís lo contraròtle de foncions civilas coma la polícia, los tribunals e l’administracion publica. S’agís de la primièra declaracion d’aquela mena en Corèa del Sud dempuèi 44 ans. 

En parallèl, l’armada se despleguèt sul pic dins la capitala, Seol, e de membres de las fòrças especialas ocupèron l’Assemblada Nacionala. A l’interior de la bastissa, una setantena de deputats del principal partit opausant, lo Partit Democrata, faguèron una crida als ciutadans per protestar. A l’exterior, de ciutadans e de deputats visquèron d’afrontaments amb los militars. 

La lei marciala enebís las activitats politicas e las protèstas, e permet de censurar la premsa. Yul acusèt l’oposicion de simpatizar amb la Corèa del Nòrd, çò que l’encoratgèt a prene sa decision de concentrar totes los poders entre las mans presidencialas. Totun, lo president de l’Assemblada, U Wonsik (Woo Won-shik), del Partit Democrata, qualifiquèt la mesura d’anticonstitucionala e convoquèt un vòte. Lo parlament del país, bailejat per l’oposicion al president de l’estat, votèt contra la lei marciala al mitan de las protèstas de las carrièras. Lo president es obligat d’observar la decision del Parlament.

La crisi politica arriba dins un moment d’intensificacion de l’aliança entre la Corèa del Nòrd e Russia amb lo desplegament de tropas nòrd-coreanas en Ucraïna e qualques païses africans jos l’influéncia de Moscòu.

⚠️ #ÚLTIMAHORA I El ministre de Defensa sud-coreà dimiteix pel caos de la llei marcial

🔶 Consulteu tota la informació ⬇️ https://t.co/Vrao8X3mjchttps://t.co/Vrao8X3mjc

— VilaWeb (@VilaWeb) December 4, 2024

🔴 La situation en Corée du Sud est LUNAIRE !

Le président sud-coréen a raté sa tentative de coup d’État.

Des députés ont été tabassés pour ne pas rejoindre l’Assemblée et voter.

Ce que vous voyez peut arriver en France ! pic.twitter.com/H9Lcjxs8zT

— Ilies Djaouti (@IliesDjt) December 3, 2024

#BREAKING

⚡️🇰🇷 People in South Korea have taken to the streets to protest against the declaration of martial law. pic.twitter.com/MyFItOKmsx

— Intelligence FRONT (@intelligencefnt) December 3, 2024

Tentative de coup d'état en cours en Corée du Sud, sous l'impulsion du président d'ext-droite Yoon Suk Yeol. La loi martiale est déclarée, l'armée bloque le parlement majoritairement libéral-progressiste.

Soutien à nos camarades du Parti Progressiste et aux syndicats réprimés ! pic.twitter.com/DriMqFZPiB

— Malou Duhamel (@DuhamelMalou) December 3, 2024