La mediatèca Maurice Adevah-Pœuf de Tièrn (Liuradés) aculhís aqueste mes de decembre e fins al 4 de genièr de 2025 l’exposicion “Paroles de pays” (“Paraulas de país”), una mòstra que met en valor lo patrimòni lingüistic e cultural de la lenga nòstra. L’eveniment es acompanhat d’una tièra d’activitats sus las lenga e cultura occitanas per totes los publics:

• Dissabte 7 de decembre, a 16h00: concèrt en solitari d’Ernest Bergez, conegut coma Sourdure, una de las voses mai innovatrises de la musica tradicionala occitana.

• Dissabte 14 de decembre, a 15h00: projeccion del documentari Le plaser simple, qu’explòra los aspèctes mai intims de la vida vidanta del mond rural occitan.

• Dissabte 21 de decembre, a 15h00: projeccion dels primièrs dos episòdis de La Seria, una creacion d’Amic Bedel e Julien Campredon que reünís l’umor e la cultura occitana.

• Dissabte 4 de genièr, 14h00 e 16h00: obrador d’introduccion a l’occitan d’Auvèrnhe seguit de la contaira Josiana Guillot, una escasença excellenta per gaudir de la lenga.

L'eveniment inaugural a luòc uèi, 6 de decembre, a 17h00, e serà una escasença unica de descobrir aquel ric programa.

Per mai d’entresenhas: https://www.calameo.com/read/006626872104c1e8f9f0a?page=1