Lo deputat breton Paul Molac, conegut per sa defensa de las lengas minorizadas, canta tanben. Delà son prètzfach legislatiu, Molac fa part del grop de musica bretona Ferzaè.

Lo militant celtic, qu’a educats sos enfants en breton, combina son activitat politica amb la musica e representa una generacion de politicians que sabon associar l’activisme lingüistic amb lo prètzfach legislatiu e l’expression culturala.

En 2021, Molac capitèt un succès sens precedent en fasent aprovar per l’Assemblada Nacionala francesa una lei de proteccion e promocion de las lengas autoctònas de l’estat francés que patisson una grèva minorizacion, e o atenguèt amb un brave sosten parlamentari. Pasmens, la lei afrontèt d’obstacles del govèrn francés, foguèt descafeïnada pel Conselh Constitucional e, tres ans apuèi, se constata qu’es pas gaire aplicada. Molac s’es pas rendut, ça que la, e a sollicitada una revision de la Constitucion francesa per garentir l’ensenhament immersiu en aquelas lengas, dont de segur la lenga nòstra.