Lo projècte de l’autoestrada A69 entre Tolosa e Castras coneguèt una rebombida màger aquel 9 de decembre, quand la Cort administratiu de Tolosa decidiguèt de tornar dobrir l’instruccion pertocant las autorizacions environamentalas de l’obratge, çò rapòrta Reporterre. Mentre qu'èra inicialament previst que se prononcièsse sus la legalitat d’aquelas autorizacions, la Cort a optèt per un relambi suplementari de mantun mes, daissant aital contunhar los trabalhs de construccion en esperant la decision finala. Aquela decision subreven après l’examen d’un recors portat per mantuna associacion, dont França Natura Environament e Los Amics de la Tèrra, que denóncian l’impacte environamental del projècte.

Lo 25 de novembre, lo raportaire public del tribunal aviá emés un vejaire desfavorable a la perseguida de las òbras, en soslinhant l’abséncia d’una “rason imperativa d’interès public màger” per justificar la destruccion d’espècias protegidas. Los opausants a l’A69 saludèron aquela opinion, qu’afortissiá lors criticas formuladas dempuèi longtemps sus l’inutilitat de l’autoestrada davant los enjòcs climatics e enviromentals. Pasmens, aquel vejaire es pas constrenhent e la decision finala torna als jutges.

La Cort a justificat la redobertura de l’instruccion per permetre a las partidas de discutir de novèlas nòtas somesas après l’audiéncia del 25 de novembre, un procediment que lo jutja necessari lo tribunal per una melhora compreneson dels enjòcs. S’aquela decision a pogut decebre los militants, que criticant un perlongament injustificat de las òbras, soslinha la complexitat del dorsièr. Los defensors del projècte, en particular los representants del concessionari Atosca, contunhan de defendre l’A69 coma una infrastructura necessària al desenclavament de la region e a la seguretat estradièra. Segon eles, l’abséncia d’alternativas viablas justifica l’importància d’aquel projècte. Pasmens, pels opausants, s’agís abans tot d’una question de respècte de las nòrmas environamentalas e de preservacion de la biodiversitat. Mentre que los jutges se balhan mantun mes per emetre lor decision, los abitants e opausants demòran devesits, amb un sentiment d’incertitud que plana sus l’avenidor de l’obratge.

— Le20h-France Télévisions (@le20hfrancetele) November 25, 2024

Autoroute A69 : la décision du tribunal reportée, colère des opposants https://t.co/odV5tIUqfw

— Le Monde (@lemondefr) December 9, 2024

« Le seul objectif de cette décision, c’est de poursuivre les travaux. C’est scandaleux »
« au regard des destructions de zones humides, terres agricoles, écosystèmes et nappes phréatiques que suppose un chantier d’une telle ampleur »#AutorouteA69#A69#écologiehttps://t.co/cGvTOtEVdIpic.twitter.com/SDETT0dy2e

— Ambre (@Davlandav) December 10, 2024