De prèmis fotografics importants, coma los Prèmis Pulitzer e lo Word Press Photo, vòlon distinguir cada an las fotografias mai impactantas del fotojornalisme professional. Son de fòtos que fixan plasticament d’eveniments istorics amb una promptitud e una fòrça que sovent los mots l’an pas.
 
L’an passat ganhèt lo World Press Photo lo catalan Samuel Aranda, per una fotografia de las revòltas de Iemèn publicada al New York Times. Mas d’imatges estonants n’i a d’autras sòrtas, son pas necessàriament d’eveniments considerables, politics o socials.
 
Sòlon èsser de fotografes paucs coneguts, benlèu professionals o amators, mas que fan de la quotidianitat un instant esplendid e immortal. Qualques imatges fan rire, d’autres ipnotizan e mai d’un semblan inversemblables. Mas son la realitat.
 
Vos en ofrissèm una petita seleccion, mas sul sit cultural Pêssega de Oro, podètz veire la lista de las cinquanta fotografias mai perfièchas.