Lo dijòus 9 de genièr de 2025, a 20 oras, se tendrà una serada d’escambis sus las problematicas ligadas a la coabitacion de las mobilitats dins l’espaci public urban. Lo rescontre aurà luòc dins la sala de las Vièlhas Escòlas, Carrièra Joana d’Arc, a Montrejau.

Montrejau patís una circulacion estradièra intensa e sovent funèsta per la qualitat de vida dels estatjants, e lo patrimòni arquitectura a de besonh d’urgéncia de solucions. Entre la gara SNCF e lo centre vila, lo passatge per l’Avenguda de Luishon es fòrça complicat per los pedons, los ciclistas e las personas de mobilitat reducha, amb de trajectòrias que demandan sovent de caminar sus la estrada.

Dins aqueste contèxt, e amb l’arribada futura del camin de fèrre d’idrogèn e una eventuala candidatura coma “vila pòrt” del pargue natural regional, los estatjants cèrcan d’adaptar l’organizacion urbana als estandards contemporanèus per una melhora convivéncia e una mobilitat mai duradissa.

En responsa, divèrsas solucions son sus la taula, entre las qualas un esquèma de circulacion amb un sens alternat o sens unic e una desviacion amb giratòri de mens d’un quilomètre. Tanben, lo dorsièr de l’A645, que rèsta inacabat, contunha de pesar sus lo trafec. La manca d’accès local al mièg escambiador al peatge N17 fòrça los usatgièrs locals de percórrer mai de 12 quilomètres inutilament fins a Sant Gaudenç o Lanamesa.

L’enveniment es organizat per un collectiu ribairenc, amb l’idèa de partejar de reflexions e d’avançar cap a de solucions realistas. Totas las bonas volontats son planvengudas per contribuir a aqueste projècte comun.

Per mai d’entresenhas e per soscriure a las peticions, podètz consultar:

• https://www.change.org/routesmontrejeau
• https://www.change.org/autoroute645