Lo 14 de decembre passat, lo ciclòn Chido cabussèt Maiòta dins una situacion critica. Amb de vents violents que superavan los 170 km/h e de pluèjas torrencialas, causèt de damatges massisses: de desenats de mòrts, mai de 1 500 nafrats e de milièrs de familhas desplaçadas. Segon AP News, las infrastructuras essencialas, talas coma las estradas, los espitals e las rets electricas, son estadas grèvament tocadas, privant la populacion d’accès als servicis de basa. La prefectura de Maiòta a instaurat un cobrifuòc per assegurar la seguretat, mentre que de còlas d’urgéncia s’emplegan a restablir los aprovesiments e a fornir una ajuda umanitària. Lo president Emmanuel Macron anoncièt una visita imminenta dins la collectivitat territoriala per coordenar los esfòrces de reconstruccion.

Dins aquel contèxt, lo novèl primièr ministre, François Bayrou, es criticat per sa gestion iniciala de la crisi. Malgrat la gravetat de la situacion a Maiòta, Bayrou causiguèt de participar a una reünion del conselh municipal a Pau, dins son Bearn natal, puslèu que de s’anar sul pic dins las illas. Aquela decision es estada qualificada d’”obscèna” per mantun actor politic, sustot la deputada de Maiòta, Estelle Youssouffa, que cridèt a una responsa mai engatjada del govèrn francés. En mai d’aquò, la volontat del primièr ministre de demorar cònsol màger de la capitala bearnesa contraditz la recenta tradicion de demissionar d’una carga executiva en cas d’intrada al govèrn, e mai que mai las quitas declaracions del politician bearnés, que s’opausava fins ara als cumuls dels mandats.

Curiosament, pendent una intervencion a l’Assemblada Nacionala francesa, Bayrou justifiquèt son abséncia en afirmant qu’“es pas d’usatge que lo primièr ministre e lo president de la Republica quiten simultanèament lo territòri nacional”. Aquela declaracion foguèt vivament criticada, essent percebuda quitament coma una desconnexion amb lo fach que Maiòta, sol territòri de las Comòras non descolonizat, es una partida integranta de França, e non un territòri estrangièr a l’estat francés. Davant las criticas creissentas, Bayrou a promés d’anar fin finala a Maiòta tre que son govèrn seriá format.

Not lies, not a fake video, not misinformation. A video of horrific destruction in Mayotte after Cyclone Chido.... TENS OF THOUSANDS could have died (Reuters).

Let’s see real news go viral for once...pic.twitter.com/BldcoVqIDx

— Volcaholic 🌋 (@volcaholic1) December 17, 2024

À Mayotte, des photos satellites permettent d'estimer l'ampleur des dégâts, mais également de guider les secours vers les régions les plus touchées. pic.twitter.com/R65zQicFYD

— franceinfo (@franceinfo) December 18, 2024