Malautiá del passat, istoricament ligada al mond de la mar, l’escorbut tocava los marins partits en nauta mar e longtemps que s’alimentavan pas pro en vitamina C. D'efièch, basta pas qu’un a tres meses d’un regim alimentari paure en aquela vitamina per patir l’escorbut. L’apòrt recomandat jornadièr es de 100 mg, una presa de 10 mg es dicha deficienta. Per metre en perspectiva: per 100g una clementina conten environ 40 mg de vitamina C, l’irange 47 mg, la goaiaba 228 mg e lo jolverd 190 mg.

Los risques son de dolors ossosas, de plagas que cicatrizan pas, una pèl seca e encara mai. L’escorbut favorís las infeccions. Franc d'aquestes simptòmas, un bilanç sanguin pòt revelar una nutricion insufisenta en vitamina C.

Las causas de la recrudescéncia de cases d’escorbut s’explicarián per de factors socials e economics. Dempuèi la covid, los aliments còstan mai car e l’inflacion a passat per aquí. Segon The Huffington Post, l’espital universitari de Montpelhièr senhalèt al jornal Libération lo cas d’un adolescent que se podiá pas pus bolegar a causa de dolors articularas provocadas per l’escorbut. Aqueste gojat se noirissiá pas que de pastas e de crèma Danette!

Manjatz de frucha e diversificat!