capçalera campanha

Actualitats

Politica

Lo govèrn presentat per François Bayrou es fòrça criticat

Manuel Valls fa son retorn dins la politica francesa après qualques annadas de decadéncia politica

Tèxte legit

Lo govèrn presentet pel primièr ministre francés, François Bayrou, a entraïnadas de fòrtas criticas de las oposicions. E mai aja ensajat de far de pichonas concessions als socialistas, se critica lo retorn de figuras clau del macronisme e mai que mai la resurreccion de Manuel Valls, ara coma ministre de las collectivitats d’otramar, a causa de son passat polemic e sos insuccèsses politics recents, tant en França coma en Catalonha Sud.

Lo gabinet incorpòra d’autras novetats coma Élisabeth Borne a l’educacion, l’èx-socialista François Rebsamen a la planificacion regionala e Gerald Darmanin a la justícia que l’aviá pasmens criticada coma ministre de l’Interior. Mentretant, Jean-Noël Barrot (afars estrangièrs), Sébastien Lecornu (defensa) e Rachida Dati (cultura) mantenon lors pòrtafuèlhas. Bayrou defend sa còla coma experimentada e capabla de reconciliar França, e assegura qu’evitarà una mocion de censura. Teoricament mai moderat que son predecessor Michel Barnier, lo politician bearnés centrista sembla tan dependent de l’extrèma drecha: a pas acceptada l’intrada de Xavier Bertrand, president de la region dels Nauts de França, jos la pression de l’RN.

Totun, lo nòu executiu afronta un fòrt refús. Olivier Faure (PS) l’a qualificat de “provocacion”, del temps que Jean-Luc Mélenchon (LFI) a demandat una mocion de confiança immediata. De son latz, lo Recampament Nacional a criticada la manca de legitimitat del govèrn.

La nominacion mai polemica es la de Manuel Valls, que fa son retorn dins la politica francesa après qualques ans de decadéncia politica, amb de decisions controversiadas coma las percaças de las gents del viatge o lo sosten a Ada Colau per empedir qu’un independentista catalan venguèsse cònsol màger de Barcelona. Ara, deurà afrontar los enjòcs de territòris coma Maiòta o Canaquia, ont a ja generada de malfisança.

Aquel govèrn fa venir mai evidenta la crisi democratica e la distància entre govèrn e ciutadans. Amb un executiu percebut coma flac e oportunista, França afronta una descomposicion politica que met en question son estabilitat.

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Lachaud
2.

Coma voletz formar un governament quand tots los ministres e los partits politics de dreicha, de centre, d'esquerra obeissan tots a una elita de representants de las multinacionalas las mai cheitivas. Lòr programme es lo mesme : ren dire contre la vaccinacion, l'interdiccion de tota autra medecina que l'oficiala, contre una menaça d'epidemias, Volan tots far la politica d'una elita minjada per la corupcion e las messonjas. Qui a detruit l'economia de França? Qui fai lo brave temps e la pluja dins l'ensenhament.? Que quò es aquelas filieras dins l'ensenhament que butir los liceens a anar estudiar a daus km d'ente son nascuts? Perqué los ensenhants disan ren? Que qu'ò es aquela societat que censura los medias, los scientifics, medecins que son pas dins la linha oficiala. Que quò es aquela societat que fai partir los paisans, que volan los botar dins de la vila ente porrian tot far sens esser obligear de prener una veitura. Sem governar per qui? Votam per qui?...
Per l'autoritarisme d'un general que s'apelava autre còp Hitler. La politica es pus chas los politics; es chas los marionetistes que son au-dessus daus politics e que los manipulan coma de las marionetas.

  • 1
  • 0
Franc Bardòu
1.

Vairon, amic de la lenga dels sieus ? Ai de dobtes, fòrça. A sa fruita, coneisserem l'albre. Mas Valls, l'enemic jurat de la Catalonha del 1èr d'Octobre, qué ne volètz traire, d'aquela estraça maldita e malfasenta ?

  • 5
  • 0

Escriu un comentari sus aqueste article