Lo dissabte 18 de genièr, los establiments Calandreta que fan partida de la Federacion Regionala Calandreta de Lengadòc tendràn una jornada de pòrtas dobèrtas per vos far descobrir lor projècte educatiu.

Pendent aquela jornada, las còlas pedagogicas e associativas dels establiments de Lengadòc aculhiràn las familhas interessadas e prepausaràn una experiéncia instructiva amb d’activitats talas coma de projeccions de diaporamas e de filmes, d'obradors educatius, d’espòrt e fòrça mai encara. Serà l’escasença ideala de descobrir cada establiment, de n’aprene mai sus las valors e los objectius de lor projècte, e d’escambiar amb de familhas ja engatjadas dins aquela comunautat.

A l'ora d'ara, i a 3966 escolans despartits dins 62 escòlas, 4 collègis e un licèu sus l’ensemble del territòri occitan. Demest eles, en Lengadòc, se compta 1994 escolans, despartits dins 24 escòlas primàrias, 2 collègis e 1 licèu.

Per mai d'entresenhas, podètz contactar: contact@lengadoc.calandreta.org