La Tor deu Borrèu, locau politic e culturau occitanista emblematic de la vila de Pau, que’s tròba actuaument dens ua situacion financèra delicada e qu’a lançat un aperet urgent au sosten. De costuma, l’associacion, s’escad a víver de las soas activitats mes augan las finanças que’se tròban seriosament impactadas.

De cap ad aquera situacion, lo collectiu qu’a lançat iniciativas entà recoltar hons e assegurar la continuitat de las soas activitats.

Aperet au sosten

Au demiei de las mesuras adoptadas, que’s desmarca la demanda de dons per la plataforma Helloasso. Aquera accion que permet aus simpatizants e amics de La Tor deu Borrèu de contribuir financèrament segon las lors possibilitats, demostrant atau lo lor engatjament entà la preservacion deu patrimòni culturau occitan.

Calendèr 2025

Delà deus dons dirèctes, l’associacion qu’a causit de diversificar las soas honts de revienuts per la venta de productes. Aquera estrategia que mira non solament a obtiéner ressorsas financèras, mes tanben a difusar la cultura occitana per articles representatius. Un deus productes a soslinhar d’aquera campanha qu’ei lo calendèr entà l’annada 2025. Aqueth calendèr, en mei d’estar ua atruna practica, que’s presenta coma un objècte de colleccion qui miralha los païsatges deu sud de Gasconha. La soa aquisicion que permet aus crompadors d’aver un soviéner tangible de La Tor deu Borrèu tot en contribuint a la soa perennitat.

Entà mei d’entresenhas, accès aus dons e a la botiga en linha: https://www.helloasso.com/associations/information-sud-ouest

(Àudio sintetizat per votz.eu)