Aqueste dimenjada, se teniá los ueitens de la Copa de França Lòrd-Derby.

Dissabte, Avinhon recebiá los Dragonets. Las esquipas èran a egalitat a la pausa (12-12), mas los catalans s’envolavan dins lo segond temps: 54-18; Vilanòva fasiá la diferéncia mercé a una penalitat fàcia a Pià qu’èra favorit: 16-14.

Dimenge, a Lesinhan, lo dèrbi virèt a l’avantatge de Limós: egalitat a la pausa 4-4, mas Limós marcava tre la represa per véncer: 20-8. Los deteneires del trofèu, Carcassona, s’impausavan largament a Sent Gaudenç en signant nòu ensages: 50-6.

Carpentràs recebiá una autra formacion d’Elèit 2, Tonens, e ganhava aisidament 60-16.

Las oposicions Elèit 2/Super-XIII, viravan a l’avantatge d’Albi qu’anava batre Palau 30-16, e de Tolosa que ganhava a Illa del Riberal: 32-14. A Vilagalhenc, los Singlars de Cabardés recebián l’esquipa de Super-XIII dels Lops de Vilafranca: egalitat a la pausa 12-12, puèi los locals s’envolavan per ganhar 27-12 e se qualificar pels quarts previstes la dimenjada dels 8 e 9 de febrièr. D’esperar ara lo tiratge al sòrt de las partidas.

• Super-XIII : debuta de la fasa tornar

Aquesta dimenjada, per la primièra jornada retorn del Super-XIII, se jogarà los rescontres:

• dissabte 11 : LimósVilanòva, Lesinhan-Dragonets, Albi-Pià

• dimenge 12 : VilafrancaCarcassona, St Gaudenç-Avinhon.

Un Dragons-Tolosa a Brutus

Per preparar las sasons de 2025 de Superliga e de Championship, los Dragons Catalans e lo Tolosa-Olimpic se rescontraràn lo dissabte 1r de febrièr a Brutus. La darrièra confrontacion entre las doas esquipas se faguèt en debuta de la sason 2022.