Ven de paréisser Sextina pel País d’Òc, una òbra que combina poesia, recèrca universitària e arts plasticas per ofrir una vision originala d'Occitània. Lo projècte, qu’es lo resultat d’una recèrca-intervencion creativa, prepausa un dialòg a l'entorn de sièis concèptes clau: cosmogonia, desir, lengatge, mesura, practica e transmission.

I participan de poètas reconeguts coma Eric Fraj, Paulina Kamakine, Eliana Pinhòl, Alan Roch, Miquèla Stenta e Gerard Zuchetto, en mai de comprene de tèxtes del defuntat Miquèl Decòr. A mai, l’òbra recuèlh d'estudis de divèrses cercaires, coma Lucie Aussel, Véronique Bedin, Dominique Broussal, Manon Delbreil, Jean-François Marcel e Thierry Piot, amb la participacion artistica del plastician Didièr Mir.

De la direccion del projècte son estats encargats Jean-François Marcel e Alan Roch, e l'a impulsat l’Universitat Joan Jaurés de Tolosa amb la seccion audenca de l’Institut d’Estudis Occitans (IEO). Los prefacis del libre son estats redigits pel conselhièr regional Benjamin Assié e per Elena Sandragné, presidenta del conselh departamental d’Aude.

L’òbra, publicada dins la colleccion Vendémias de l’IEO Aude, compta 344 paginas e presenta los poèmas en occitan e los estudis en francés. Es disponibla per un prètz de 20€ (mai 4€ per còstas de mandadís) e se pòt aquerir en contactant l’IEO Aude: BP 51042, 11860 Carcassona Cedex.