Après lo dimècres 8 de genièr, lo prètz dels bilhets de tren de las entrepresas Ouigo e TGV Inoui cresquèt d’un 1’5%, çò a anonciat l’SNCF. L’aument de la tarifa s’e fa en nom del besonh de mantenença e melhorament del ret ferroviari.

L’entrepresa a de far front als còstes de l’usatge dels dreches de peatge qu’an aumentat d’un 3% ongan. L’entrepresa tanben assegura que lo cambiament afectarà pas los abonaments lésers ni las cartas Avantage, pels usatgièrs mai sensibles al prètz.

Per sa part, en Espanha tanben se pausa la question dels prèses dels bilhets de tren. Lo govèrn espanhòl anóncia l’aplicacion d’un modèl de tarifa unenca pels viatges dins tot lo transpòrt public, franc dels servicis de nauta velocitat. Lo ministre espanhòl dels transpòrts assolida que la tòca es d’aver un sistèma coma l'alemand que, per 58 èuros per mes, permet d’utilizar d’un biais illimitat totas las modalitats de transpòrt metropolitan.

Lo problèma d’aquela mesura seriá son aplicacion a tot lo territòri pr’amor que las competéncias en transpòrt son despartidas entre lo govèrn central e las regions. Lo govèrn de Catalonha cercarà cossí se pòt imbricar aquel modèl estatal dins lo modèl actual catalan qu’es basat sus un pagament en foncion de la distància percorreguda.

A l’ora d’ara, sabèm pas cossí aquela mesura afectarà Aran, pr’amor que tanben son transferidas las competéncias de transpòrt public, mas, pr’amor de la fisionomia de son territòri, la Val a pas de trens e aquel plan pertocariá sonque los buses. Tanpauc sabèm pas l’efièch qu’aurà suls viatges entre lo país aranés e la rèsta d’Occitània. Tot serà question de las decisions de las administracions.

Aquela mena de proposicions cèrca d’estimular l’usatge del transpòrt public dins los estats sens pensar als besonhs de las personas qu’an sovent de traversar las frontièras per divèrses motius.

Las tarifas unencas tanben son emplegadas dins de païses coma Portugal, Àustria o Ongria d’un biais similar.