Despuish era rentrada de seteme, eth licèu Bagatelle de Sent Gaudenç qu’é implicat en un escambi lingüistic e culturau damb eth Institut d’Educacion Segondària Domènec Perramon d’Arenys de Munt (Catalonha). Aqueth projècte que s’inscriu en quadre deth programa dera Union Europèa Erasmus+, destinat a sosténguer era educacion, era formacion, era joenessa e eth espòrt en Euròpa.

Deth 12 ath 17 de gèr, 28 joenis comengeses inscriuts en cors d’occitan o en seccion europèa d’espanhòu que huren atau arrecebuts peth sòn correspondent(a) catalan(a) a Arenys de Munt, ua vilòta de 7600 abitants, situada a ua quarantea de quilomètres ath nòrd-èst de Barcelona.

Tota era setmana, eths liceans comengeses que huren sensibilizats ara parentat lingüistica entram occitan, catalan e castelhan. Aqueth viatge qu’aviá tanben coma objectiu de presentar eras arrelacions estretas qu’unishián – e qu’unishen tostemps – eras tèrres occitanas e catalanas, en tot partir d’un eretatge comun, eth deth l’Empèri Roman, mès pas solament: en efèt, era termièra entram Occitània e Catalonha qu’é tanben caracterizada per un patrimòni comun que despassa eth eretatge roman (eths trobadors, era Crosada, eras migracions, eras lias e patzerias, etc). En aqueth sens, eras visitas deth centre istoric de Barcelona e de Tarragona que huren particularament esclairantas. Un tepèr d’activitats que huren tanben miadas amassa peths gafets deths dus establiments: visita dera ciutat escolara Domènec Perramon, jòc de pista nà descobrir Arenys de Munt, arrencontre dab eth maire Josep Sànchez Camps, realizacion de vidèos a Barcelona, arreportage fotografic a Tarragona.

Que cau senhalar eth plan bon estat d’esperit deths liceans e era qualitat deth acuelh peths correspondents e peths professors catalans. Dus professors d’Arenys de Munt que’s desplaçaràn enà Sent Gaudenç en mes de heurèr nà aprestar era venguda deths joenis deth IES Domènec Perramon en Comenge en noveme. D’aqueth temps, eths correspondents que mantegueràn eth contacte peths hialats sociaus.

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jornalet.com