L’Estivada, lo grand festenal consagrat a la cultura occitana, anóncia sa segonda edicion a Sebasac (Causse Comtal) los 24, 25 e 26 de julhet. Amb un format renovelat, lo festenal se presenta coma una granda fièra de novetats artisticas ont lo public e los programaires poiràn descobrir las creacions mai innovantas en lenga occitana.

Per preparar la programacion musicala, la còla de l’Estivada fa una crida als artistas, musicians e cantadors del domeni occitan per que presenten lors proposicions. Los espectacles causits faràn partida dels concèrts al Grand Empont e dels Aperoconcèrts.

Los critèris de seleccion son los seguents:

• de creacions majoritàriament en occitan

• de novetats artisticas amb mens de dos ans d’existéncia o pauc representadas publicament

• de disciplinas musicalas de quin estil que siá.

En mai d’aquò, lo festenal vòl garentir la diversitat dialectala occitana, la paritat de genre e l'inclusion intergeneracionala.

La data limit per enviar de proposicions es lo divendres 14 de febrièr de 2025.

Las proposicions an de comprene una descripcion, de ligams per escotar l’òbra e un budget estimat. Podètz mandar las proposicions a: crida.estivada@gmail.com.

Per mai d’entresenhas, podètz vesitar lo sit oficial del festenal: www.estivada.eu.