Actualitats
Nòva publicacion: Flòra illustrada de Josiana Ubaud
Aquel libre, amb 272 paginas en format de 17x22 cm, compren tanben un lexic elementari de botanica amb 350 tèrmes e tres indèxes trilingües per facilitar la recèrca
Las edicions Letras d’òc presentan la nòva Flòra illustrada de l’etnobotanica Josiana Ubaud, una òbra trilingua (francés-latin-occitan en varietats lengadociana e provençala) que recuèlh 460 plantas de la mar fins a la montanha, illustradas amb 600 fotografias. Aquel libre, amb 272 paginas en format de 17x22 cm, compren tanben un lexic elementari de botanica amb 350 tèrmes e tres indèxes en las lengas mençonadas per facilitar la recèrca.
L’òbra serà disponibla al començament de març de 2025, mas se pòt ja reservar a un prètz promocional de 30 èuros (inclusas las còstas de pòrt) fins al 7 de març de 2025. A comptar d’aquela data, costarà 36 èuros.
Josiana Ubaud, figura importanta de la lexicografia occitana e autora de caps d’òbra coma lo Diccionari ortografic, gramatical e morfologic de l’occitan, nos convida a reconnectar amb la natura a travèrs d’aquela òbra indispensabla.
Per mai d’entresenhas e de comandas, podètz escriure dirèctament a l’editor a l’adreiça contact@letrasdoc.org.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari