Actualitats
Narbona aculhirà sa primièra Marcha de las Fiertats lo 17 de mai de 2025
Lo collectiu encoratja las associacions, las institucions e los ciutadans a s’engatjar dins l’organizacion e lo desvolopament de l’eveniment
Lo collectiu Fiertas-Narbona a anonciada la tenguda de la primièra Marcha de las Fiertats dins la vila, prevista per dissabte 17 de mai de 2025 de ser. Aquel eveniment festiu e revendicatiu s’organiza per celebrar la diversitat e luchar pels dreches de las personas LGBTQI+, en commemorant de luchas istoricas coma las susmautas de Stonewall de 1969.
Dins un contèxt inquietant se constata l’aument de las agressions omòfobas. E mai ajam pas d’estatisticas a l’escala occitana, dins l’estat francés an fòrça crescut: segon SOS Omofobia, dins l’estat se registrèt 1506 cases en 2022 e 2085 en 2023.
La Marcha de Narbona vòl doncas èsser un clam contra l’òdi e una invitacion a la solidaritat.
Lo collectiu encoratja las associacions, las institucions e los ciutadans a s’engatjar dins l’organizacion e lo desvolopament de l’eveniment. Las opcions son divèrsa: se pòt simplament jónher lo cortègi o ben prepausar d’activitats e mai participar a las reünions de preparacion. A mai, se lança una campanha de micromecenatge per cobrir las despensas logisticas, coma la comunicacion, lo transpòrt, la seguretat o los decòrs.
Per ajudar o participar a l’iniciativa, podètz vesitar lo sit de la campanha e i contribuir liurament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En 1981, l'estat francés, dirigit alavetz per l'esquèrra que d'unes acusan de totes los mals, trasiá l'omosexualitat de la lista de las malautiás mentalas, e fasiá parièr l'OMS en 1990. Imagini que sètz nostalgic de l'epòca anteriora.
Los legeires presaràn que gausetz equiparar la disforia de genre amb l'esquizofrenia, e ieu tròbi pas cap de desencusa a vòstra transfobia. Ai paur per mon filh mas l'apararai contra las personas coma vos.
L'OMS es pas una referència. Sufis de veire l'afar del Covid, cossi se son entrevats de lausenjar China e de tornar dire coma de papagais servilis la propaganda chinesa. Aquel organism es manipolat per sos donators ( tant de financièrs, que d'ideològs, que de lobbys de tota mena..eca..) que li fan dire çò que vòlon e que servis lors interesses.
Se cal inventar de malautias per agradar a un grop farmaceutic que ten la potinga-miracle o-fan, se ne cal escafar d'autras per agradar a un lobby que ten los mejans de pression adequats, o-fan tanben.
Mas dire que quicòm existis pas non fai cambiar la realitat per un còp de broquèta magica ! Decretar que l'ezquizofrenia seria pas una malautia la faria pas desaparèisser ni bastaria per garir aqueles que ne patisson, pas pus que la decision de França d'escafar lo mot "raça" de sos papafars oficials a pas fach desaparèisser lo racism ni los racisats.
Ara que los Estats Units se ne son retirats seria pas estonant qu'aquesta OMS revenga fins finala sus sa decision "made in California" de pas pus considerar aquel trebol de l'identitat sexuala qu'es lo transgenrism coma una malautiá mentala.
Aquò dich, ont avètz vist que patir d'una malautiá mentala a quicòm de vergonhós ?
Fa 6 ans que l'OMS considèra pas pus la transidentitat coma una malautiá mentala. Causa estranha: Donald Trump retira precisament de l’organizacion son país.
Quant a dire que los transes voldrián convertir l'umanitat, es tan paranoiac coma ridicul que de pensar, coma se disiá sovent, que los omosexuals cèrcan de far venir tota la planeta omosexuala.
Los transfòbs son pas totes faissistas, mas los faissistas propagan generalament la transfobia, coma de per abans volián propagar l'omofobia. L'asirança es dins l'ADN de l'extrèma drecha.
De trebols psiqiatrics de l'identitat n'i-a totjoirn agut. Mas d'aqui a ne far una ideologia e a cercar de l'impausar a la majoritat coma s'èra la nòrma, aquò passa l'òsca e es pas èsser fachista d'o dire.
Sénher Lachaud, quand vos legissi me sembla qu'es lo merdièr dins lo vòstre cap !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari