Un còp èra, Justin Amey e Ollie Hepworth, en vesitant Praga, qu’anèron dins un bar per beure una bièrra. Mas un còp ailà, saupèron pas qu’en chèc la caliá demandar amb lo nom de pivo. Tre aquela anecdòta, çò explican, lor venguèt l’idèa de crear una aplicacion simpla (e utila) per de telefòns mobils que resolguèsse lo problèma. Lo fruch de la reflexion es Pivo, una aplicacion per iPhone (0,89 èuros) qu’ajuda a demandar una bièrra o cervesa en seissanta lengas, tanben en occitan.
 
Cada lenga compren la frasa corrècta, lo biais mai corrècte de prononciar per un anglofòn e, dins qualques cases, de vidèos bracs amb de parlants nadius que nos guidan dins la prononciacion. Per accedir als vidèos cal pas èsser connectat a l’Internet. I qualques vidèos plan gracioses.