Lo 7 de febrièr passat, lo primièr ministre francès exprimiguèt son desacòrdi amb lo debat limitat sul drech del sòl que lo prepausa lo ministre de la justícia Gérald Darmanin, çò rapòrta Le Monde. Segon Bayrou, aquel subjècte es tròp restrench e necessita un “debat mai larg” sus çò que significa èsser francés. Interrogat pendent una emission sus RMC, soslinhèt que caliá pas solament de reformas legalas, mas de questions mai prigondas: «Que balha aquò [èsser francés] coma drech? Qu’impausa coma dever? Que procura coma avantatges? E en qué aquò vos engatja a èsser membre d’una comunautat nacionala? A qué cresètz quand sètz francés?», çò demandèt lo primièr ministre.

Aquela presa de posicion fasiá seguida a un debat intens pertocant la modificacion del drech del sòl, qu’acòrda la nacionalitat francesa a tota persona nascuda sul sòl francés, a Maiòta. Dins aquel debat, Gérald Darmanin evoquèt la necessitat d’una reforma constitucionala, sostenguda per un referendum o inclusa dins lo programa presidencial venent. Pasmens, cèrts membres del govèrn, dont Elisabeth Borne, èx-cap del govèrn, ministra de l’educacion e numèro dos de l’executiu, exprimiguèron lor oposicion a aquela idèa. Borne estimèt, dins una entrevista a RTL, que los franceses esperavan d’accions concretas puslèu qu’un debat constitucional sus aquela question.

Lo debat sus l’identitat “nacionala” s’es intensificat tanben entre las esquèrras, ont las tensions son vivas. Los partits progressistas, sustot La França Insomesa, denóncian las proposicions de durciment dels critèris d’accèsses a la nacionalitat e lo risc d’una “preferéncia nacionala”, una revendicacion dels neofaissistas de l’RN. De son caire, lo Partit Socialista a reafirmat son estacament al drech del sòl, «principi fondador de la Republica», tot en restant dobèrt a un “debat sus l’identitat nacionala”. «Lo Partit Socialista a largat las amarras [del Nòu Front Popular] amb la non-censura. Son prèstes per o acceptar tot per pegar a Bayrou», çò planhèt Jean-Luc Mélenchon, menaire de La França Insomesa.

🇫🇷 Après le vote hier sur la restriction du droit du sol à #Mayotte, le Premier ministre François #Bayrou se dit aujourd'hui prêt à rouvrir le débat sur l'identité française, réclamé par la droite, mais déjà dénoncé dans son propre gouvernement pic.twitter.com/mKzFsTWz9T

— FRANCE 24 Français (@France24_fr) February 7, 2025

Bayrou relaye les obsessions xénophobes du Rassemblement national pour quémander sa bienveillance.

Il emploie leurs mots pour faire la même politique.

La dérive des macronistes divise la France et nuit à notre peuple. Leurs fantasmes racistes n'ont pas leur place en République. pic.twitter.com/LZHZhDjiLI

— Clémence Guetté (@Clemence_Guette) January 27, 2025