Actualitats
Clarmont-Ferrand: rescontre amb Josí Guilhòt a las Velhadas Occitanas 2025
L’escrivana presentarà dimècres venent son darrièr obratge Gambier - L’òme sens nom
Dimècres que ven, 19 de febrièr, a 20h30, lo Cafè-lectura Les Augustes de Clarmont-Ferrand aculhirà una nòva edicion de las Velhadas Occitanas, organizadas per la seccion departamentala de l'Institut d'Estudis Occitans (IEO 63). Aqueste còp, l'eveniment farà venir l'autora tiernesa Josí Guilhòt-Gentialon, que presentarà son darrièr obratge, Gambier - L'òme sens nom, publicat per las edicions IDÈCO dins la colleccion Atots.
Josí Guilhòt, contaira reconeguda, poetessa feminista e romancièra de lenga occitana, es famosa per son òbra Femnas, publicada en 2009. A mai, es coneguda per sas cronicas dins la revista auvernhata Parlem ! Vai-i qu'as paur ! Son nòu libre, Gambier – L’òme sens nom, abòrda de tematicas socialas e existencialas restacadas als jovents actuals, en prepausant un agach prigond e esmovent sus las realitats contemporanèas.
La serada serà una escasença unica per conéisser de primièra man las reflexions e la trajectòria literària de Josí Guilhòt. Un eveniment de mancar pas pels aimadors de la literatura occitana d’Auvèrnhe e d'endacòm mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari