Un viatge proclamat campion de Catalonha ena categoria juvenila en Gran Slalom eth dia 3 de març en La Molina (Païsi Catalans) e en tot demorar en dusau lòc ena categoria absoluda, Alex Puente que tornèc a hèr ua grana actuacion en tot arténher un dusau lòc, dissabte 10 de març, ena corsa dera Federacion Internacionau d'Esquí (FIS) celebrada en Lo Vilar de Lans (Vercòrs).
Eth joen corsaire aranés de Rossignol, Alex Puente, que guanhèc ena prumèra manja. Ena dusau manja que hèc bèra error que li hèc pérder quauques decimes de segond desplaçat atau tath dusau lòc, darrèr deth corredor arpitan, Denis Grosset qui li treiguec 0,66 segonds. Maugrat que non hèc cap ua dusau manja perfècta, qu'artenhec pujar-se en pòdi damb un meritòri dusau lòc damb un temps totau de 2:16.61.
"Ena prumèra manja m’e sentit bèn, era pista qu'auie bèth ralh mès se i podie esquiar bèn. Ena dusau, m’e sentit un sinhau estranh pr’amor que hège temps que non anaua lidèr en ua corsa, qu'è pogut finalizar en dusau lòc e be sò plan content. Ara que cau contunhar de trebalhar" ce diguèc Alex Puente a
Nevasport en finalizar era corsa.
En sòn prumèr an ena Federacion Espanhòla d'Espòrts d'Iuèrn (RFEDI), er esquiaire aranés que seguís de préner confidança pòc a pòc e es prumèrs resultats boni b'arriben.
Ferriòl Macip
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari