Actualitats
Quatre jorns per seguir los artistas dins la val nauta d'Aude
Mai de 50 artistas locals e internacionals expausaràn, del 17 al 20 de mai, dins 11 vilatges de Rasés, del País de Saut e de las Corbièras
Del 17 al 20 de mai se debanarà "Artistas de seguir" en 11 vilatges de la val nauta d'Aude (Rasés, País de Saut e Corbièras). S'agís d'una seguida d'exposicions d'art modèrne e d'eveniments.
"Artistas de seguir" prepausa quatre jorns de païsatges, d'exposicions d'art modèrne e mai de 40 amassadas a l'entorn d'espectacles d'estanquet, de concèrts, de lecturas, de discussions e de grasilhadas.
Las pintoras Caty Pech e Victoria Milroy, e tota una còla de benevòls qu'animan l'associacion Artistas de seguir (Artistes à suivre), trabalhan amassa amb las comunas del país qu'ofrisson las lors salas municipalas o d'ostals de particulars prèstes per aculhir los expausants. Cada luòc es per un artista que i mòstra lo sieu trabalh: pintura, escultura, fotografia, dessenh, gravadura. Las tecnicas mai divèrsas son aital representadas e lo prètz dels obratges es rasonable.
L'eveniment a per tòca de metre en sinergia de luòcs, d'artistas plasticians professionals e de vesitaires, per far conéisser l’art al mai grand nombre de mond.
Lo catalòg es estat ja distribuit e se pòt trobar gratuitament als Oficis de Torisme del departament d'Aude.
Las pintoras Caty Pech e Victoria Milroy, e tota una còla de benevòls qu'animan l'associacion Artistas de seguir (Artistes à suivre), trabalhan amassa amb las comunas del país qu'ofrisson las lors salas municipalas o d'ostals de particulars prèstes per aculhir los expausants. Cada luòc es per un artista que i mòstra lo sieu trabalh: pintura, escultura, fotografia, dessenh, gravadura. Las tecnicas mai divèrsas son aital representadas e lo prètz dels obratges es rasonable.
L'eveniment a per tòca de metre en sinergia de luòcs, d'artistas plasticians professionals e de vesitaires, per far conéisser l’art al mai grand nombre de mond.
Lo catalòg es estat ja distribuit e se pòt trobar gratuitament als Oficis de Torisme del departament d'Aude.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari