Dijaus passat, 20 de heurèr, familhas, ensenhaires e mainatges que s’acampèn davant l’escòla de Maseròlas (Seuvestre) entà protestar contra la supression d’ua classa bilingua prevista entà l’annada escolara qui veng. Provedits de bandeiròlas en francés e en occitan, los manifestants que corrón las carrèras de la vila, dab lo sosten de la consolessa màger Isabelle Péguilhé.

La manifestacion que s’acabè dab ua reünion informativa suu projècte bilingüe, destinada a las familhas dab mainatges que se pòden inscríver a l’escòla. Lo conselh municipau qu’a lançat un aperet aus qui non podón estar presents entà préner contacte e obtiéner mei d’informacions.

Ràdio País qu’a cobèrt la mobilizacion e qu’a entervistat bèths testimònis sus la situacion a l’escòla. L’enregistrament que pòt estar escotat sus: https://soundcloud.com/radio-pais/250221-poste-bilibgue-en?in=radio-pais/sets/reportatges-radio-pais