Actualitats
Au Regrelh Occitan, lei Carboniers son tanben Pairoliers
La 21a edicion de la manifestacion “Carboniera en fèsta” se tendrà a Borg Sant Andiòu dau 10 au 18 de mai
Lisa Gròs
Dins l’encastre de la 21a edicion de la manifestacion “Carboniera en fèsta” que se tendrà sus la comuna de Borg Sant Andiòu (Bas Vivarés), dau 10 au 18 de mai venents, lei carboniers se son per un moment transformats en pairoliers per fabricar una carboniera metallica.
Aqueu forn metallic, de dimensions modèstas per una installacion pilòt, fuguèt realizat a l’iniciativa de Joan Chaudière, amb l’ajuda dei competéncias d’André Pierre (retirat EDF) e Daniel Marlot (Fabre cotelier en Gard).
La concepcion d’aquelei forns metallics, lei famoseis olas que ne trobam de còps que i a lei vestigis dins nòstrei bòscs, remontan a la Segonda Guèrra Mondiala, que lei motors “amb gasogèn” utilizavan de carbon de lenha en granda quantitat, per compensar la manca de gasolina.
Aquest an, doncas, doas menas de carbonieras foncionaràn en mesme temps sus lo sit dau Bòsc Redon, a la sortida de Borg Sant Andiòu, en direccion de Bidon… La tradicionala, en mòla, e la novèla, metallica.
Afar de seguir!
Per d’entresenhas +33(0)6 37 60 66 25 Jean Chaudière
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari