Greenpeace França a avertit d’un nòu liurament d’urani natural vengut de Russia al pòrt de Dunquèrca. Diluns 3 de març de matin, l’ONG detectèt lo desembarcament d’aquel material radioactiu d’un vaissèl sortit de Sant Petersborg, confirmant aital que França contunha d’importar d’urani enriquit rus, çò rapòrta Reporterre.

Dins un comunicat, Greenpeace denóncia qu'aquel comèrci “alimenta la guèrra en Ucraïna”, en contradisent las posicions oficialas del govèrn francés sus son sosten al pòble ucraïnés. Aquela importacion se manten quitament a un moment crucial de la guèrra en Ucraïna, dempuèi lo vai-e-ven dels Estats Units amb los dos païses eslaus.

Segon de donadas publicadas per Greenpeace, lo 25% de l’urani enriquit importat per França en 2024 proven de Russia. Pauline Boyer, responsable de campanha de l’organizacion, qualifiquèt d’“indecenta” aquela dependéncia e exigiguèt del govèrn francés la rompedura immediata de totes los contractes amb l’entrepresa estatala russa Rosatom, en solidaritat amb lo pòble ucraïnés.

🚨 La France importe toujours de l’uranium russe, 3 ans après l’occupation de la centrale nucléaire ukrainienne Zaporijia par l'entreprise d'état Rosatom 🚨

Nouvel arrivé d'uranium russe à Dunkerque hier matin.
Il faut mettre fin à ce contrat toxique ✊

#StopUraniumRusse
@paulineboyer.bsky.social

[image or embed]

— Greenpeace France  (@greenpeace.fr) 4 de març del 2025, a les 19:19