Las abituds an de besonh de fòrça jorns per poder cambiar una persona. Un estudi recent demòstra que cal mai de 21 jorns per qu’una abitud pòsca modificar lo nòstre interior d’un biais definitiu. Aital, se sonque avètz cambiat las vòstras abituds pendent una o doas setmanas, cal insistir e arribar de la practicar mai de tres setmanas se volètz aténher un cambiament definitiu.

Aquò es la conclusion finala de divèrsas recèrcas actualas que demòstran qu’una abitud sana pren mai de temps que çò que se poiriá esperar. Segon los cercaires, de nòvas abituds pòdon començar de se formar en nosautres pendent dos meses mas pòdon encara prene fins a gaireben 335 jorns per se poder establir definitivament en nosautres.

Aital, plusors cercaires de l’Universitat d’Austràlia del Sud an descobèrt que formar una abituda sana pòt prene mai de temps qu’esperat. Las nòvas abituds pòdon començar de se formar sonque amb una mejana d’entre 59 e 66 jorns mas encara pòdon prene encara plan mai de temps, fins a 335 jorns. La descobèrta es fòrça importanta pr’amor qu’aital las autoritats sanitàrias pòdon, dempuèi ara, promòure d’abituds mai sanas e prevenir de malautiás cronicas segon un nòu calendièr.

Plusors malautiás poirián cambiar dins l’avenidor

En Austràlia, i a mantuna malautiá cronica coma lo diabète de tipe 2, cèrtas malautiás cardiacas, dels palmons e l’AVC, que poirián èsser prevengudas en modificant d’abitudas malsanas o encara de factors d’estil de vida. E lo cercaire qu’a bailejat l’estudi, Ben Singh, a confirmat que las abitudas sanas prenon plan mai de tres setmanas per ben capitar.

“Cada annada, fixam de tòcas e fasèm de plans pels meses avenidors e la saviesa populara suggerís que cal pas que 21 jorns per formar aquelas abituds, mas aquò es pas verai, çò assolida Singh. Nosautres avèm trobat que la formacion d’abituds comença dintre dos meses, mas i a una variabilitat significativa, amb de tempses de formacion que van de quatre jorns a gaireben un an.”

Aital, es important per las personas que vòlon aquerir d’abitudas mai sanas, que las pòscan pas abandonar abans tres setmanas, çò apondon los cercaires. Segon l’estudi, cèrts factors pòdon tanben influenciar la formacion reüssida d’abituds. “Las causas de capitada pòdon èssser plan desparièras: la frequéncia, lo moment de la practica, e s’aquò agrada o pas”, çò ditz Singh. (Legissètz la seguida).

Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.