National Geographic publica los rapòrts medicals del cap nazi, que dison qu’Hitler èra ipocondriac, que preniá un perilhós coctèl de medicaments e qu’èra dependent de la morfina e de la cocaïna.
National Geographic farà publics dimars que ven en un documentari los rapòrts medicals sus Adolf Hitler, qu’èran inedits fins ara.
Lo documentari, entitolat amb lo jòc de mots High Hitler, Nazi Underworld - Hitler’s Drug Use Revealed (Mandrinalha nazi: se revèla l’usatge de drògas d’Hitler), afirma que lo cap nazi èra dependent de divèrsas drògas. Se basa sus una analisi plan detalhada dels rapòrts del sieu mètge, Theodor Morell, que foguèt capturat pels aliats. Aqueles rapòrts son demorats completament desconeguts fins ara.
National Geographic revèla dins aquel reportatge qu’Hitler èra ipocondriac e que preniá fins a 80 potingas cada jorn. Preniá d’anfetaminas, de morfina e d’enòrmas dòsis de cocaïna per calmar sas dolors al pitre, çò que provocava de fòrtas desnivelacions psicologicas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fau beleu 'restar mai « Hitler eriá quò-quí », « Hitler eriá quò-laï »... Eriá un uman, aures, un monstra cruau de segur, mas un uman. Totas tentativas de ne'n far autra chausa : eu aviá 'na sola colha alaidonc quò-quí eisplica quò-laï, eu eriá vegetarian alaidonc..., eriá SM 'laidonc los coma las qu'an de la praticas SM son..., sa pintura la mai aimada eriá « Léda et le Cygne » 'laidonc tot-a-s qu'aiman 'queu tableu son...
Totas aquelas tentativas son 'na masca sus la sòla vertat : Hitler eriá un estre uman, aures, e dins chacun de nos, i a un pitit Hitler, un pitit Pol-Pot, coma i a un pitit Gesús o un pitit Budhā, un Gandhi o un Zamenhof. Manca de far frutjar lu bon, amen.
Un libre de legir : Aurietz-vous crié « Heil Hitler » ? François Roux, chas Max-Milo.
« L’eidèia principala dau libre es l’analisa de la montada dau totalitarisme, l’òdi de la democracia borgesa, la mal-ententa dintra los socialistes e los comunistes, la bon-ententa daus nazis mai daus comunistes, tot aquò tras los jornaus personaus que la gent escrigueten dins ‘quela perioda. »
http://rapieta.wordpress.com/2012/09/21/auriatz-vautres-cridats-heil-hitler/
@1 : Eu eriá maitot eterosessuau o eu aviá los piaus bruns, 'laidonc, fau se mesfiar de la gent eteròs e mai que mai d'aquilhs qu'an los piaus bruns.
Tota aquera istèra en bd :
http://insolente0veggie.over-blog.com/article-hitler-etait-vegetarien-119129409.html
E si n'i a enquèra qui creden lo contrari, qu'avè duas colhas com tot lo monde.
Que soi content de véder que lo vegetarisme ei vadut ua obsession entà quauques legeires deu Jornalet.
Aparentament, Hitler n'èra pas vegetarian, qu'estó un mite inventat per Goebbels entà hà'u passar per un asceta. Que hasó arrestar los leaders d'associacions vegetarianas.
Hitler èra vegetarian pr'amor lo mètge l'obligava. Patissèva de dolors a la pamparra e lançava de pets qui pudissèvan (!) N'èra pas vegetarian per filosofia.
oblidem pas nimai que Hitler èra vegetarian fumava pas e amava lei bèstias que vuei aquelei qualitats gaudisson d'una cèrta consideracion. doncas hitler cancelier e cap de guèrra se drogava coma un vulgari cantaire de rock e a la fin de sa vida prenià tant de cachets d'enguents e de potitets qu'un vielh occidentau au lintau de la mort, mantengut en vida contra suberna. benlèu que vaudrià mielhs anar a la descisa...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari