Actualitats
Catalonha: CxK en concèrt a Sant Feliu de Guíxols lo 27 de març
L’eveniment es pas solament l’escasença de gaudir de la musica de la banda roergassa mas se tracta tanben de sosténer un projècte cultural per portar la realitat occitana al public catalan
Tèxte legit
Lo dijòus 27 de març venent, la banda occitana de rock psiquedelic CxK farà un concèrt a Sant Feliu de Guíxols (Catalonha) dins la sala TZVR (Atzavara Club), un espaci gerit collaborativament qu’es vengut un ponch de referéncia per la cultura e la musica alternativa de l’encontrada.
Los organizaires del concèrt cèrcan de far venir un public nombrós per sosténer e difusar la cultura occitana. L’eveniment es pas solament l’escasença de gaudir de la musica de Paulin Cortial e Dimitri Kogane, mas tanben permet de sosténer un projècte cultural comunitari e de portar la realitat culturala occitana al public catalan.
CxK es una de las referéncias occitanas, coneguda per sa mescla d’estils contemporanèus amb un accent nòrd-american que fusiona amb son esséncia occitana. Sens cap de dobte, aduson Occitània al Mond per mejan de la musica, en emplegant l’occitan coma lenga, valent a dire que pòrtan la cultura dels aujòls a un domeni mai contemporanèu, en li donant quitament lor tòc personal.
Lo concèrt es un dijòus, mas la vila compta fòrça possibilitats d’aculhença.
Per mai d’entresenhas, podètz escriure a victor.sacova@gmail.com en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari