Actualitats
De desenas milièrs de manifestants contra lo racisme e l’extrèma drecha
Dins l’encastre de la Jornada Internacionala de l’Eliminacion de la Discriminacion Raciala, s’acampèron de nombroses manifestants dins las principalas vilas occitanas e de l’estat francés
Tèxte legit
De desenas de milièrs de personas sortiguèron per las carrièras de tot l’estat francés dissabte per protestar contra lo racisme e lo discors d’òdi promoguts per l’extrèma drecha, çò rapòrta L’Humanité. Las manifestacions, organizadas dins l’encastre de la Jornada Internacionala de l’Eliminacion de la Discriminacion Raciala, fòrça manifestants dins las principalas vilas occitanas.
A Tolosa, environ 5000 personas jonguèron la protèsta, del temps qu’a Bordèu, 4000 manifestants se presentèron. Marselha vegèt tanben una participacion importanta, amb mai de 3300 personas dins una marcha menada per Jean-Luc Mélenchon, dirigent del partit d’esquèrra La França Insomesa (LFI). A Lemòtges, la mobilizacion amassèt 1500 personas.
Al nivèl estatal, la crida atenguèt 100 vilas, amb mai de 20 000 personas a París e 6000 a Lion. A mai de refusar lo racisme e la discriminacion, qualques sectors incorporèron de demandas de sosten a la causa palestiniana e una fin de la violéncia en Gaza e Cisjordània.
Segon la Comission Nacionala Consultativa dels Dreches Umans (CNCDU), los crimes e delictes racistas, xenofòbs o antireligioses en França aumentèron d’un 58% en 2023 en comparason amb 2019. Per fòrça manifestants, l'extrèma drecha es principalament responsabla de crear un clima propici a l'aument d'aqueles crimes d’asirança.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sus la fotografia d'illustracion de l'article, reconeissèm los grands amics de las lengas ditas "regionales" de LFI. Nos prenon per d'ases o qué ? Nos pretendon exigir l'eliminacion de la discriminacion raciala, e non son pas fotuts de n'assumir la dimension mai elementària, la disciminacion linguistica ! Tant valiá nos i metre, aquí, una bèla fotografia del Carnaval de Limós, coma o an fait los braves Calandrons ! A quand un partit desquèrra que combata efectivament la discriminacion raciala, fins al nivèl linguisitic ? Una mena d'Occitania Insomesa, insomesa notadament al supremacisme imperialista cultural francés ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari