Actualitats
Eth Diccionari der occitan aranés qu’ei disponible en linha
Eth nau diccionari aufrís mès de 15 500 entrades e facilitarà er usatge der aranés en encastre numeric entà tota era comunitat
Eth Diccionari der occitan aranés (DOA) qu’ei disponible en linha de manèra gratuïta. Aqueth recors lexicografic, presentat per Institut d’Estudis Aranesi-Acadèmia Aranesa dera Lengua Occitana, aufrís mès de 15 500 entrades ordenades de manèra clara e accessibla entà quin usatgèr que sigue. Era basa deth diccionari proven de tres òbres normatiues publicades pera Acadèmia Aranesa: eth Diccionarideraranés, eth Vocabularideratecnologiaderainformacion e eth Vocabularid’espòrtsd’iuèrn, ath delà d’un ampliament deth Diccionari publicat en 2022.
Era naua airina, presentada oficiaument eth 24 de març, facilite er usatge d’aquera varietat occitana en encastre numeric, damb dues opcions de recèrca: basica e auançada. Era tòca principau ei de constituir un recors normatiu que servisque coma referéncia e que melhore era preséncia der aranés en hilat.
Eth DOA qu’ei accessible a trauès dera pagina web oficiau dera Acadèmia, damb era promessa d'èster actualizat e agranit en futur. Eth projècte compde damb eth supòrt der Institut entath Desvolopament deth Pirenèu e Aran (IDAPA) e de Baqueira-Beret.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari