Actualitats
Serada Occitanas 2025 a Clarmont-Ferrand
L’IEO 63 organiza una serada consagrada a l’escrivana Marcela Delpastre dins l’encastre del centenari de sa naissença
Tèxte legit
L’Institut d’Estudis Occitans – Seccion dau Puei de Doma (IEO 63) organiza la serada Occitanas 2025 lo dimècres 16 d’abril d’ongan, a 20h30, al Cafè-lectura Les Augustes a Clarmont-Ferrand. Aquel rencontre fa partida dels eveniments organizats tot long de l’annada per celebrar lo centenari de la naissença de Marcela Delpastre (1925-1998), una de las figuras màgers de la literatura occitana del sègle XX.
Marcela Delpastre, poetessa e païsana lemosina, influencièt prigondament lo renovèlament de la literatura en occitan. Malgrat que Renat Nelli e Max Roqueta contribuiguèsson largament a son internacionalizacion, es l’òbra de Delpastre qu’encarna mai intensament aquela renaissença amb son escritura poderosa e singulara.
La serada permetrà al public de descobrir una creatritz atipica per sos poèmas e son eiretatge. Per mai d’entresenhas, podètz contactar l’IEO 63 a l’adreiça seguenta: ieo63@ieo-oc.org o per telefòn al +33 (0)6 74 33 50 17.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari