Aquesta setmana, i aurà a Barcelona dos eveniments interessants pels aimadors de literatura occitana.

Lo primièr eveniment aurà luòc lo diluns 31 de març a 19h00 a la librariá Ona, situada al 94 de la Carrièra Pau Claris de la capitala catalana. S'agís de la presentacion de Sang i saba, un roman escrich per Joan-Claudi Forêt. Aquela obra, traducha en catalan per Joan-Lluís Lluís, nos convida a un viatge per la guèrra, mas tanben cap a la vida. L'autor serà present per discutir de son libre e de la literatura occitana en general, e será acompanhat pel traductor e professor Jaume Figueras.

Lo dimars 1r abril, a 18h30, una taula redonda se tendrà a l'Atenèu Barcelonés. Aquel rescontre, en onor de l'anniversari de la mòrt de mantun grand autor occitan, coma Joan Bodon, Max Roqueta e Bernat Manciet, ofrirà una reflexion sus lor eiretatge literari. L'eveniment serà animat pels especialistas Manèl Zabala e Jaume Figueras, e comptarà tanben amb la preséncia de Joan-Claudi Forêt. L'intrada es liura.

Aqueles dos eveniments son organizats pel Cercle d'Afrairament Occitanocatalan (CAÒC).

En occitan: FORÊT, Joan-Claudi. Sang e Saba. Editions Trabucaire, 2005. 160 paginas. 13 èuros.

En catalan: FORÊT, Joan-Claudi. Sang i Saba. Traduccion de Joan Lluís Lluís. Edicions de 1984, 2024. 224 paginas. 19,50 èuros.