Actualitats
Es nascuda l’Associacion dels Amics del Felibrige e de la Lenga d’Òc al Senat francés
A per tòca de promòure e defendre las lenga e cultura occitanas dins l’encastre institucional. Sa primièra presidenta es la senatritz Brigitte Devésa
Tèxte legit
Lo 25 de març de 2025, sèt senators occitans signèron al Palais de Luxemborg de París los estatuts de la nòva Associacion dels Amics del Felibrige e de la Lenga d’Òc al Senat francés. L’amassada se faguèt en preséncia de la reina Adelina e del capolièr del Felibrige, Paulin Reynard.
L’associacion a per tòca de promòure e defendre las lenga e cultura occitanas dins l’encastre institucional. Sa primièra presidenta es la senatritz Brigitte Devésa (del departament de Bocas de Ròse), acompanhada de plusors vicepresidents e membres de l’assemblada.
La primièra reünion publica de l’associacion se tendrà dins las setmanas avenidoiras al Senat e serà consagrada a la figura de Frederic Mistral e l’eiretatge del Felibrige. Paulin Reynard soslinha que la creacion d’aquela associacion reafirma l’actualitat del movement felibrenc, que compta 171 ans d’istòria e contunha de defendre lo patrimòni lingüistic e cultural de totes los territòris de lenga occitana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se sabiá que l'occitanisme èra senat. Mas se sabiá pas que lo Senat èra occitanista...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari