Los jutges de l’11a cambra del tribunal correccional de París an declarat colpables Marine Le Pen, Louis Aliot e sèt autres eurodeputats del Recampament Nacional per malversacion de fonzes de l’Union Europèa. La senténcia establís que los condemnats desvirèron de fonzes de l’Union Europèa per fin de pagar d’assistents d’eurodeputats que, en realitat, trabalhavan pel partit francés d’extrèma drecha. Le Pen poirà pas esser candidata a la presidenciala de 2027. Aliot es inelegible mas sens aplicacion immediata de la pena: contunharà d’èsser, per tant, lo cònsol màger de Perpinhan e se poiriá quitament presentar a las eleccions venentas.

Marine Le Pen, principala dirigenta de la formacion, es estada condemnada a 4 ans de preson, dont 2 fermes, 100 000 èuros de multa e 5 ans d’inelegibilitat amb execucion provisòria. Aquela resolucion pòt aver un fòrt impacte sus la politica francesa, pr’amor que met en perilh sa candidatura a l’eleccion presidenciala de 2027, e mai mantenga lo mandat de deputada a l’Assemblada Nacionala francesa.

Quant a Aliot, el es estat condemnat a una pena de 18 meses de preson dont sièis meses fermes, dirèctament amainatjats jos braçalet electronic, tres ans d’ineligibilitat e una multa de 8000 èuros. Pasmens, lo tribunal a refusat de li aplicar l’ineligibilitat immediata per “preservar la libertat dels electors”, de sòrta que se mantendrà coma cònsol màger e se poirà presentar a la reeleccion en 2026, se la Cort de Cassacion se pronóncia pas abans suls recorses.

La presidenta del tribunal, Bénédicte de Perthuis, a soslinhat que “l’egalitat davant la lei es un pilar de la democracia” e que los elegits gaudisson pas de privilègis. Le Pen, totun, a quitat la sala d’audiéncia amb tarabast, quitament abans d’ausir son jutjament, après una tension musclada amb la jutgessa presidenta del tribunal. Del temps que de Perthuis explicava las motivacions de son jutjament, Le Pen mostrèt sa desaprobacion.

An tanben condemnat Thierry Légier, gardacòrs de l’actual president del Recampament Nacional, Jordan Bardella. Légier a recebuda una pena d’un an de preson e doas d’inelegibilitat, malgrat que sián suspenduts e afècten pas sos antecedents penals, çò que li permetrà de contunhar de trabalhar coma escòrta.

Lo tribunal a estimat que se malversèt un total de 4,6 milions d’èuros per mejan d’una quarantena de falses contractes. Delà los eurodeputats, dotze assistents del partit son estats tanben condemnats. Segon la senténcia, existissiá un sistèma intèrne dins lo partit per desvirar de fonzes europèus devèrs de despensas intèrnas de la formacion. “S’es establit que totas aquelas gents trabalhavan en realitat pel partit, que sos eurodeputats los avián pas encargats de cap de prètzfach”, çò a explicat lo tribunal.

Lo govèrn rus e qualques caps de l’extrèma drecha politica europèa, dont Viktor Orbán e Mateo Salvini, an criticat la senténcia. “Je suis Marine“, çò a escrich en francés lo primièr ministre ongrés suls rets socials. De son caire, Salvini, el ditz que s’agís d’una “declaracion de guèrra”.

Je ne suis pas prête à me soumettre à un déni de démocratie aussi facilement.⁰⁰Aucun juge ne peut décider d'interférer dans une élection aussi importante que l'élection présidentielle, de surcroît, en violant l'État de droit. pic.twitter.com/aXwpqjoOaD

— Marine Le Pen (@MLP_officiel) March 31, 2025

Y a des semaines qui commencent bien. Le Pen et d’autres du RN prennent des peines d’inéligibilité et de prison avec en plus des grosses amendes. Pour une fois que justice est bien faite. Mais alors l’immunité parlementaire ne protège plus systématiquement les politiciens véreux?

— Philippe Poutou (@PhilippePoutou) March 31, 2025

Je suis Marine! @MLP_officiel

— Orbán Viktor (@PM_ViktorOrban) March 31, 2025

Chi ha paura del giudizio degli elettori, spesso si fa rassicurare dal giudizio dei tribunali.
A Parigi hanno condannato Marine Le Pen e vorrebbero escluderla dalla vita politica. Un brutto film che stiamo vedendo anche in altri Paesi come la Romania.
Quella contro…

— Matteo Salvini (@matteosalvinimi) March 31, 2025