L’entrepresa norvegiana 1X a anonciada la creacion del sieu robòt domestic, Neo Gamma. Lo sistèma umanoïde succedirà a Neo Beta, que ja apareguèt en agost. Neo Gamma es un prototipe concebut per far d’assages a l’ostal. D’imatges del robòt lo mòstran a realizar tota mena de trabalhs: far de cafè, lavar de vestits e aspirar. Aital, Norvègia se jonh a França en lo lideratge europèu de l’intelligéncia artificiala.

Neo Gamma representa un costat mai doç de l’indústria umanoïda, pr’amor que per èsser confortable, a un dessenh mai amistadós e un vestit fach de nilon tricotat. Lo vestit es fach per assajar de reduire de possiblas lesions que poirián sorgir del contacte entre robòts e personas.

Neo Gamma arriba al meteis moment que d’autres robòts de las entrepresas Agility, Apptronik, Boston Dynamics, Figure e Tesla. D’entrepresas coma Figure ja an los lors sistèmas robotics d’ostal en foncionament. Los robòts domestics son totjorn estats complicats. Delà d’aspiradors robotics d’entrepresas coma iRobot, cap es pas pro encara intrat sul mercat.

Fauta de tecnologia

Aquò es pas per manca d’assajar, pr’amor que la tecnologia es pas encara arribada. Los robòts domestics devon èsser utils, fisables e segurs. E doncas la tecnologia es probablament una de las claus dels robots umanoïdes domestics. A mesura que l’edat mejana de la populacion aumenta, la vida independenta pels ancians vendrà un objectiu tecnologic de mai en mai important.

Neo Gamma a una clòsca mai doça, e doncas se ditz qu’es mai segur. Mas aqueles robòts devon èsser extrèmament conscients del lor entorn per causar pas de damatges potencials a de personas o de proprietats. La teleoperacion es tanben importanta se parlam de seguretat. L’autonomia completa es la tòca finala, mas tanben es important pels umans de poder prene lo contraròtle del robòt dins l’ostal se se passa quicòm.

Quand OpenAI foguèt anonciat coma pairin, 1X apareguèt. La nocion d’Intelligéncia Encarnada (IA amb una preséncia fisica) es l’estapa logica seguenta pel mond de l’IA generativa. L’IA generativa a un ròtle important de jogar amb los umanoïdes, inclusa la creacion d’interaccions lingüisticas mai naturalas entre umans e robòts. (Legissètz la seguida).

Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.