Tres joves de 20 ans foguèron ferits per balas ièr, dimenge de matin, al centre vila de Marselha quand sortissián d’un establiment de nuèch nomenat “Ma Demoiselle”. A 7 oras del matin los pompièrs foguèron alertats d’aquela fusilhada que s’èra debanada al quartièr de l’Opèra. Segon de fonts consultadas per Libération, lo pronostic vital de las victimas es pas engatjat. Segon Le Monde, dos serián leugièrament ferits del temps qu’un tresn es mai seriosament tocat a la cuèissa, al braç e a l’espatla.
La brigada criminala de la polícia judiciària s’ocupa de l’enquèsta, en tot examinar los imatges de las camèras de videosusvelhança. Segon los primièrs elements de l’enquèsta, s’agís d’una altercacion entre dos grops de joves: que foguèron expulsats de l’establiment e doas oras puèi, tres d’eles tornèron en veitura en tirant amb una Kalashnikov e un pistolet de 9 millimètres. Faguèron tres victimas, que doas s’èran refugiadas a l’ostal de polícia del cente vila, a la Canebiera.
Suls imatges de las camèras de videosusvelhança, los tiraires èran cagolats. An trobadas 34 dolhas, 22 de Kalashnikov e 12 de 9 millimètres.
Dins lo meteis quartièr, un gojat de 18 ans, conegut per la polícia per qualques delictes, foguèt mòrt escotelat lo 18 d’agost près del Pòrt Vielh.
La brigada criminala de la polícia judiciària s’ocupa de l’enquèsta, en tot examinar los imatges de las camèras de videosusvelhança. Segon los primièrs elements de l’enquèsta, s’agís d’una altercacion entre dos grops de joves: que foguèron expulsats de l’establiment e doas oras puèi, tres d’eles tornèron en veitura en tirant amb una Kalashnikov e un pistolet de 9 millimètres. Faguèron tres victimas, que doas s’èran refugiadas a l’ostal de polícia del cente vila, a la Canebiera.
Suls imatges de las camèras de videosusvelhança, los tiraires èran cagolats. An trobadas 34 dolhas, 22 de Kalashnikov e 12 de 9 millimètres.
Dins lo meteis quartièr, un gojat de 18 ans, conegut per la polícia per qualques delictes, foguèt mòrt escotelat lo 18 d’agost près del Pòrt Vielh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari