Tèxte legit
En Super-XIII, dissabte, Vilanòva escarta Vilafranca de la corsa a la seisena plaça qualificativa: 48-6. Passejada de santat per Carcassona a Tolosa: 60-0. Albi domina Limós: 28-20, e Pià va ganhar lo dèrbi catalan a Brutus: 13-6.
Dimenge, St Gaudenç pren l’avantatge sus Lesinhan: 20-17.
Aqueste dissabte 18, en cap d’aficha, se tendrà l’oposicion entre Albi e Carcassona a l’estadi Mazicon. Limós reçauprà St Gaudenç e Lesinhan aculhirà Avinhon.
Pià-Tolosa e Vilafranca-Dragonets seràn al programa pel dimenge pascal.
En Elèit 2, Vilagalhenc-Argon bat Palau: 30-6. Los dos clubs son los qualificats dirèctes per las mièjas finalas.
Los Dragons version gigants
En Superliga, los Dragons Catalans se desplaçavan cò dels Gigants d’Huddersfield. Los angleses marcavan los primièrs al quart d’ora de jòc. Los Sang e Aur replican per dos ensages signats per Tariq Sims, puèi per l’alièr Darrelatour per sa primièra partida en Superliga. Amb doas transformacions e una penalitat, los Dragons menan 14-6 a la pausa. Tre la represa, ajustan dos ensages per Julian Bosquet e Bayley Sironen. Los angleses replican per un ensag. Paul Seguièr ajusta un ensag al planchòt e, aprèp un novèl ensag dels Gigants, Pangai Juniòr i va de son ensag. Amb las transformacions d’Aispuro-Bichet, los Dragons s’impausan 38-18. Dissabte de ser, a Brutus, pòdon contunhar la tièra de victòrias amb la recepcion de Salford qu’encaissèt un 0-28 dijòus en recebent Leeds.
Divendres, Wigan s’impausava a Hull KR: 28-18, e St Helens batiá Wakefield: 26-14. Doas victòrias al defòra dissabte: Hull FC a Warrington: 16-28, los Leopards a Castleford: 20-6.
En Championship, dissabte, Tolosa s’impausa cò de las Aglas de Sheffield: 34-12.
NRL: 5 desfaitas en seguida per Penrith
En Austràlia, debuta de competicion complicada pels campions de Penrith que plegan un cinquen còp en seguida , aqueste còp cò dels Dalfins: 21-30.
Divendres, los Dragons baton los Titans 38-16 e los Polets van ganhar cò dels Cavals Fòls 26-16.
Dissabte, las Lamias baton Manly 24-18. Victòrias al defòra pels Vaquièrs cò dels Lapinons 24-16 e Canberra a Parramatta 50-12.
Dimenge, la Tempèsta es plan mai fòrta que los Combatents neozelandeses 42-14 alara que los Tigres se van impausar a Newcastle: 20-4.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari