Lo festival Balad’Òc tornarà animar lo País de Tula los 16-17 de mai e 6–7 de junh de 2025, amb una edicion especiala per sos dètz ans d’existéncia e en omenatge a la granda poetessa Marcela Delpastre a l’ocasion del centenari de sa naissença.

Al programa: una creacion artistica inedita de Monica Burg e François Dumeaux a partir dels tèxtes de Delpastre, precedida d’una lectura dels escolans de collègis e licèus. Lo festenal prepausarà tanben una conferéncia suls arbres e suls aucèls, un balèti tradicional amb Tourbillon e Saccade, de vesitas bilingüas de la Ciutat de l’Acordeon e dels Patrimònis, e un platèu de ràdio amb Bram’FM e las ràdios associativas del país.

L’eveniment metrà en valor lo patrimòni material e immaterial del País de Tula.

Per mai d’entresenhas, podètz vesitar baladoctula.org.

Marcela Delpastre (1925–1998), nascuda dins la Montanha Lemosina, foguèt entre los los grands escrivans occitans del sègle XX amb Joan Bodon, Bernat Manciet, Renat Nelli e Max Roqueta. Formada en filosofia, literatura e arts decoratius, tornèt dins la bòrda familiala, ont combinèt lo mestièr de païsana amb l’escritura. De 1960 enlà, testimonièt de la desaparicion del mond tradicional occitan. Son cap d’òbra Saumes pagans (1974) la faguèt reconéisser en tota Occitània. Foguèt amiga de Jan dau Melhau, Micheu Chapduelh e d’autres autors lemosins.