Actualitats
La Prèma 2025: un viatge musical d’un cap a l’autre del país occitan
L’eveniment es un rendètz-vos màger per totes los que vòlon viure una cultura occitana viva, festiva e engatjada en Besierés
Tèxte legit
Lo dissabte 17 de mai, Puègserguièr tornarà vibrar al ritme de la Prèma, lo festenal que dobrís la sason de las fèstas popularas dins lo país besierenc. Organizada per l’associacion Patatr’òc, l’edicion d’ongan nos convida a traversar Occitània del Bascoat al Comtat de Niça.
A partir de 18h30, una programacion eclectica e poderosa farà trantalhar carrièras e emponts: los Manja Perdigalhs, Pitch Up, Nux Vomica, Xiberoots e, de segur, Goulamas’K, que sonarà a l’ostal dins l’encastre de la virada de son darrièr trabalh Sempre Aquí. En mai d’aquò, lo public poirà tanben descobrir una performança de l’escultor Pablo Quedad.
Amb gaireben 30 ans d’istòria, la Prèma es venguda un rendètz-vos màger per totes los que vòlon viure una cultura occitana viva, festiva e engatjada.
Per mai d’entresenhas, podètz vesitar l’eveniment sus Facebook, o ben escriure a contacteligairerp@gmail.com
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
òsca als Pelicans que sabon far tindar l'òc!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari