Bandièra05 1180x150: PUBLICITAT

Actualitats

Societat
crotz-tolosaCreated with Sketch.LengadòcLengadòc BasCevena Lengadociana

Un gojat assassinat dins una mosqueta en Cevena Lengadociana

La polícia a identificat lo tuaire coma un jovenòme de 20 ans “extrèmament perilhós” e es cercat intensament

Un gojat assassinat dins una mosqueta en Cevena Lengadociana
Un gojat assassinat dins una mosqueta en Cevena Lengadociana

Tèxte legit

Aboubakar Cissé, un jove malian de 22 ans, foguèt assassinat, escotelat divendres dins la mosqueta de la Grand Comba (Cevena Lengadociana). L’assassin enregistrèt lo crime mentre que cridava de proclamacions racistas. La polícia l’a identificat coma un jove de 20 ans “extrèmament perilhós” e es cercat intensament.

Lo ministèri public met en examen lo crime coma un assassinat premeditat e privilègia la pista d’un acte islamofòb, malgrat qu’escarte pas d’autras motivacions. Mentretant, divèrsas personalitats politicas e religiosas reclaman una responsa ferma a l’islamofobia, e de marchas blancas se son tengudas al país e quitament a París.

Lo president Emmanuel Macron a condemnat l’òdi religiós e a exprimit son sosten a la comunautat musulmana. Lo ministre de l’Interior a refortida la seguretat de las mosquetas de tot l’estat francés.

 

Mesa a jorn a 8h30: Lo suspècte s'es rendut a la polícia italiana a Pistoia (Toscana). Segon lo procuraire d'Alès «Davant l'eficacitat dels mejans meses en plaça, l'autor a  agut per sola sortida de se rendre e es la melhora causa que podiá far», çò rapòrta Libération.

 

 

 

 

 

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Franc Bardòu
1.

De notar, totun, que lo paure Aboubakar Cissé, lo jove malian assassinat per un salvatge local (o non), auriá benlèu pas agut beson d'èsser musulman per èsser assassinat. Amb la color de sa pèl, un salvatge ordinari auriá pogut trobar pro de "rasons" per lo sagnar aital, òdi religiós o non. L'estupiditat, espaurugada per la diferéncia plus mendra, non a besonh de las religions per exprimir l'òdi ordinari. Li basta, a còps, la simpla color d'una pèlh.

Garatz aquí : las autoritats francesas (valent a dire francofònas) se serviguèron de "l'òdi religiós" per envasir nòstre territòri linguistic (entre 1209 e 1229), per nos i impausar un regime de terror (definicion del terrorisme), per nos i interdire las libertats de culte (puèi culturalas, amb l'interdiccion del Trobar), puèi, mai tard, quand las diferéncias religiosas venguèron pauc a pauc insignificantas, per nos i impausar lor fotuda lenga qu'interditz e continua obstinadament d'interdire tota diferéncia oficiala, non pas benlèu "cultualas"mas al plan pro culturalas, çò que demòra la fòrma "light" e "sense gluten" del racisme mai ordinari, a pro pena amagat jos grands discorses unitaristas de non sabi mai quina pseudo-republica de mai en mai ultraliberala que pana als paures per embucar los rics.

  • 2
  • 6

Escriu un comentari sus aqueste article