Actualitats
360 demandaires d’asil dòrmon dins una glèisa de Clarmont-Ferrand
L’Associacion Nacionala d’Entreajuda Femenina (ANÈF) pòt pas pus pagar lor albergament tant que l’estat paga pas sos engatjaments
La Glèisa dels Minims de Clarmont-Ferrand, al centre de la vila, es venguda tre diluns passat un centre d’albergament d’urgéncia pels 360 demandaires d’asil, dont 150 enfants. Se son installats en de matalasses e de cartons al costat dels bancs de la glèisa. Segon lo jornal La Montagne, la majoritat son dels païses de l’èst d’Euròpa.
Los demandaires d’asil s’acampèron diluns passat sus la Plaça de Jauda, jos l’estatua de Vercingetorix, perque l’ANÈF, un centre d’albergament e reïnsercion sociala, pòt pas pagar lor albergament. L’estat a pas remborsat encara a l’ANÈF los 2,3 milions d’èuros engatjats dempuèi lo començament d’annada per lotjar las personas desfavorizadas.
De mond de l’associacion RESF 63, de la CIMADE, de sindicalistas de la CGT e de politicians d’esquèrra s’amassèron sul pic amb la prefectura, sens resultats. La prefectura lor indiquèt que lo nombre de plaças pels demandaires d’asil aviá aumentat dempuèi un an, de 55 a 131, mas la demanda es tròp fòrta.
De benevòls en favor d’aquel mond sens ostal los ajudan amb de noiridura e en menant los enfants a l’escòla. Aqueste dijòus es prevista una manifestacion a 18h a la Plaça de Jauda.
Los demandaires d’asil s’acampèron diluns passat sus la Plaça de Jauda, jos l’estatua de Vercingetorix, perque l’ANÈF, un centre d’albergament e reïnsercion sociala, pòt pas pagar lor albergament. L’estat a pas remborsat encara a l’ANÈF los 2,3 milions d’èuros engatjats dempuèi lo començament d’annada per lotjar las personas desfavorizadas.
De mond de l’associacion RESF 63, de la CIMADE, de sindicalistas de la CGT e de politicians d’esquèrra s’amassèron sul pic amb la prefectura, sens resultats. La prefectura lor indiquèt que lo nombre de plaças pels demandaires d’asil aviá aumentat dempuèi un an, de 55 a 131, mas la demanda es tròp fòrta.
De benevòls en favor d’aquel mond sens ostal los ajudan amb de noiridura e en menant los enfants a l’escòla. Aqueste dijòus es prevista una manifestacion a 18h a la Plaça de Jauda.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari