Actualitats
Lo departament de Tarn promòu la senhaletica en occitan
Lo conselh general del departament subvencionarà 80% del còst dels panèls en occitan. Lo Pargue Regional del Naut Lengadòc emplega la lenga pròpria tanben dins las publicacions
Lo conselh general del departament de Tarn (Albigés) ven de lançar un apèl a projècte per ajudar totas las municipalitats del departament d’aver los panèls d’intrada d’aglomeracion en occitan.
S’agís d’un programa que l’aprovèt l’assemblada departamentala en març de 2013 e que se desvoloparà pendent 3 ans. Lo departament finançarà 80% del còst d’aqueles panèls.
E mai se l’usatge social de la nòstra lenga es dins una situacion pietadosa, se tracta d’una lenga plan aimada per la populacion. Segon un sondatge que lo departament faguèt a la fin de 2010, 64% se mostrèron favorables a l’installacion de panèls en occitan e 71% sostenián una visibilitat de l’occitan mai granda dins los luòcs publics.
Segon d’informacions del conselh general del departament, mai d’una vila an ja manifestat lor intencion de comandar lèu los panèls en occitan.
Las primièras placas seràn liuradas a l’Ostal del Departament, dins l’encastre de las presentacions a las municipalistats d’accions d’acompanhament toristicas e culturalas de la Mission Occitana del conselh general.
Per aquelas comunas ont lo nom oficial francizat es identic al nom occitan, installarián un panèl amb la crotz occitana. Al delà, las comunas del Pargue Natural Regional del Naut Lengadòc beneficiaràn d’un panèl suplementari especificant en lenga nòstra lor adesion al pargue.
De fach, lo Pargue Natural Regional del Naut Lengadòc ven d’obténer la certificacion de nivèl 1 del labèl “Òc per l’occitan”. Los messatges d’aculhença del pargue son tanben en occitan, una plaça es facha per l’occitan sul sit web del Pargue e dins sas publicacions (jornal del pargue, letras, desplegants, etc.). Un ais mai innovaire es la volontat de far conéisser l’interès d’aquel labèl pels actors economics e toristics del territòri, que siá pels oficis del torisme o pels beneficiaris de la marca Parc. Lo pargue mena tanben un programa triennal per sensibilizar al patrimòni occitan dins lo mitan escolar del territòri, nomenat “Camins de dròlles” (cal comprene “Camin d’enfants” o Camin de mainatges”).
_____
Esquèma departamental de desvolopament de l’occitan
S’agís d’un programa que l’aprovèt l’assemblada departamentala en març de 2013 e que se desvoloparà pendent 3 ans. Lo departament finançarà 80% del còst d’aqueles panèls.
E mai se l’usatge social de la nòstra lenga es dins una situacion pietadosa, se tracta d’una lenga plan aimada per la populacion. Segon un sondatge que lo departament faguèt a la fin de 2010, 64% se mostrèron favorables a l’installacion de panèls en occitan e 71% sostenián una visibilitat de l’occitan mai granda dins los luòcs publics.
Segon d’informacions del conselh general del departament, mai d’una vila an ja manifestat lor intencion de comandar lèu los panèls en occitan.
Las primièras placas seràn liuradas a l’Ostal del Departament, dins l’encastre de las presentacions a las municipalistats d’accions d’acompanhament toristicas e culturalas de la Mission Occitana del conselh general.
Per aquelas comunas ont lo nom oficial francizat es identic al nom occitan, installarián un panèl amb la crotz occitana. Al delà, las comunas del Pargue Natural Regional del Naut Lengadòc beneficiaràn d’un panèl suplementari especificant en lenga nòstra lor adesion al pargue.
De fach, lo Pargue Natural Regional del Naut Lengadòc ven d’obténer la certificacion de nivèl 1 del labèl “Òc per l’occitan”. Los messatges d’aculhença del pargue son tanben en occitan, una plaça es facha per l’occitan sul sit web del Pargue e dins sas publicacions (jornal del pargue, letras, desplegants, etc.). Un ais mai innovaire es la volontat de far conéisser l’interès d’aquel labèl pels actors economics e toristics del territòri, que siá pels oficis del torisme o pels beneficiaris de la marca Parc. Lo pargue mena tanben un programa triennal per sensibilizar al patrimòni occitan dins lo mitan escolar del territòri, nomenat “Camins de dròlles” (cal comprene “Camin d’enfants” o Camin de mainatges”).
_____
Esquèma departamental de desvolopament de l’occitan
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Lo departament de Tarn promòu la senhaletica en occitan" : aquò's la normalitat. Lo bon títol seriá estat mailèu "Los autres departaments que Tarn promòvon pas la senaletica en occitan !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari