Actualitats
41% dels ciutadans franceses son paures
Las primièras victimas son las femnas, mai que mai las maires celibatàrias
Segon una enquèsta de Secours Populaire Français, publicada dijòus passat de matin, 41% dels franceses afirman qu’an ja viscut una situacion de precarietat. S’agís d’una situacion quatre ponches mai nauta qu’arunan. Las primièras victimas son las femnas, mai que mai las maires celibatàrias. Aquela donada pertòca l’ensemble de l’estat francés mais deu reflectir, probable, una situacion pro generala en Occitània.
De fach, mai de la mitat dels paures de l’estat francés son de femnas, mai concretament 56%. Segon lo Secors Popular, lo risc de pauretat es “acrescut” per las maires qu’enantisson lors enfants, qu’es lo cas de quatre sus cinc familhas monoparentalas.
Las dificultats mai grandas son de se procurar una alimentacion sana e equilibrada e de pagar l’abitatge.
Pasmens, dins lo meteis sondatge, 48% estiman que la lucha contra las inegalitats de salari entre òmes e femnas deu èsser una prioritat.
Dins aquel sens, la ministra francesa dels Dreches de las Femnas, Najat Vallaud-Belkacem, presentèt en julhet un projècte de lei per combatre las inegalitats, amb una seguida de mesuras que van de l’egalitat professionala a l’installacion d’una garentida per los impagats de pensions alimentàrias.
De fach, mai de la mitat dels paures de l’estat francés son de femnas, mai concretament 56%. Segon lo Secors Popular, lo risc de pauretat es “acrescut” per las maires qu’enantisson lors enfants, qu’es lo cas de quatre sus cinc familhas monoparentalas.
Las dificultats mai grandas son de se procurar una alimentacion sana e equilibrada e de pagar l’abitatge.
Pasmens, dins lo meteis sondatge, 48% estiman que la lucha contra las inegalitats de salari entre òmes e femnas deu èsser una prioritat.
Dins aquel sens, la ministra francesa dels Dreches de las Femnas, Najat Vallaud-Belkacem, presentèt en julhet un projècte de lei per combatre las inegalitats, amb una seguida de mesuras que van de l’egalitat professionala a l’installacion d’una garentida per los impagats de pensions alimentàrias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lo secors popular coneja c ompletament, se li avià tant de paures en França, se saubrià e lei centenas de mil d' immigrants dau terç-monde que volon venir au nostre seriàn pas tan nèsci de voguer s'istalar, coste que coste, dins un pais ravajat per la pauretat restariàn dins son continent l'Africa que l'an passat a coneigut una creissènça de 4 % dau PNB
Es "socialista", la Najat Vallaud-Belkacem ? Definicion del "socialisme" a la salça europèa neoliberala actuala : un "socialista" es qualqu'un que s'ofusca que i aja un pauc mai de femnas pauras que d'òmes paures, mai que de se cossirar que i aja un nombre e una proporcion tant escandalosa de paures dins un país tant ricàs, respècte a la rèsta del mond…
Conclusion ? Los "Socilaistas" non son pas d'esquèrra. Mas aquò, o sabiatz ja, supausi. Paure Jaurés… E los ricases pòdon dormir tranquille, subre de bons matalàs a las Islas Caïman…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari