Actualitats
Es mòrt lo darrièr gardacòrs d’Hitler
Èra la darrièra persona viva qu’aviá vist lo suicidi del dictator nazi
Rochus Misch, gardacòrs d’Hitler, moriguèt a Berlin dins sos 96 ans, a la fin de la setmana passada. Èra la darrièra persona viva que foguèt testimòni del suicidi del dictator nazi e de sa femna Eva Braun.
Misch serviguèt al Bunquèr de Berlin pendent los darrièrs meses de la guèrra. En 2009 n’explicava sos remembres dins una entrevista: Hitler “aviá lo cap sus la taula e Eva l’aviá torçut. La vesi encara coma se foguèsse ara, amb los genolhs reculhits fins al pitre”. Èra lo 30 d’abril de 1945. Dos jorns puèi quitèt lo bunquèr perque lo ministre de la Propaganda, Joseph Goebbels, li diguèt qu’avián pas mai besonh d’el.
Rochus Misch foguèt fidèl al Fürher pendent tota sa vida e se pentiguèt pas jamai de lo servir. Ça que la, condemnèt “los terribles e crusèls” crimes contra l’umanitat comeses pel nazisme.
Misch serviguèt al Bunquèr de Berlin pendent los darrièrs meses de la guèrra. En 2009 n’explicava sos remembres dins una entrevista: Hitler “aviá lo cap sus la taula e Eva l’aviá torçut. La vesi encara coma se foguèsse ara, amb los genolhs reculhits fins al pitre”. Èra lo 30 d’abril de 1945. Dos jorns puèi quitèt lo bunquèr perque lo ministre de la Propaganda, Joseph Goebbels, li diguèt qu’avián pas mai besonh d’el.
Rochus Misch foguèt fidèl al Fürher pendent tota sa vida e se pentiguèt pas jamai de lo servir. Ça que la, condemnèt “los terribles e crusèls” crimes contra l’umanitat comeses pel nazisme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E s'èra lo còs de Gustav Weler, lo sosia oficiau d'Adolf qui estoc arretrobat dens lo bunker ? Mistèri ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari