Actualitats
Catalonha celèbra uèi sa fèsta nacionala amb una cadena umana de 400 quilomètres per demandar l’independéncia
Dins los actes oficials se remembrarà Occitània e Alidé Sans ne cantarà l’imne
En seguida de la manifestacion d’arunan, ont 1,5 milion de catalans manifestèron per l’independéncia del país, e amb lo procès independentista en un “camin de non-retorn” segon lo president Artur Mas, se debana uèi en Catalonha la Via Catalana, una cadena umana de mai de 400 quilomètres de long que travèrsa lo país e quitament intra al País Valencian e en Catalonha Nòrd, en tot revendicar que Catalonha venga un estat nòu d’Euròpa.
Aquela manifestacion es inspirada de la Via Baltica, la cadena umana facha en 1989 pels ciutadans d’Estònia, Letònia e Lituània, que ligava las tres capitalas, per revendicar lor desir d’independéncia, finalament reüssit.
L’independéncia de Catalonha pòt èsser un espèr per Occitània, segon qualques collectius occitans. Iniciativa per Occitània, País Nòstre, lo Partit de la Nacion Occitana e lo Partit Occitan participan de la cadena umana, que començarà a 17h14, en remembre de l’an 1714.
D’efièch, l’11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
Representacion occitana als actes oficials
Dins los actes oficials, que se debanan de matin, se fa una reconeissença a Occitània, en memòria dels 800 ans de la Batalha de Murèth e dels 700 ans de la Querimònia d’Aran. La jove musiciana aranesa, Alidé Sans, interprèta a 11h l’imne nacional occitan amb l’accent aranés: Aqueres Montanhes.
Sans es acompanhada pels acordeonistas Cati Plana e Liv Hallum, per Manolo López a la contrabassa e per Mark Pulido a las campanas.
L’acte vòl èsser tanben un gèst de solidaritat amb aquel país occitan per las inondacions patidas lo 17 de junh passat, just l’endeman de festejar la Fèsta d’Aran.
Aquela manifestacion es inspirada de la Via Baltica, la cadena umana facha en 1989 pels ciutadans d’Estònia, Letònia e Lituània, que ligava las tres capitalas, per revendicar lor desir d’independéncia, finalament reüssit.
L’independéncia de Catalonha pòt èsser un espèr per Occitània, segon qualques collectius occitans. Iniciativa per Occitània, País Nòstre, lo Partit de la Nacion Occitana e lo Partit Occitan participan de la cadena umana, que començarà a 17h14, en remembre de l’an 1714.
D’efièch, l’11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
Representacion occitana als actes oficials
Dins los actes oficials, que se debanan de matin, se fa una reconeissença a Occitània, en memòria dels 800 ans de la Batalha de Murèth e dels 700 ans de la Querimònia d’Aran. La jove musiciana aranesa, Alidé Sans, interprèta a 11h l’imne nacional occitan amb l’accent aranés: Aqueres Montanhes.
Sans es acompanhada pels acordeonistas Cati Plana e Liv Hallum, per Manolo López a la contrabassa e per Mark Pulido a las campanas.
L’acte vòl èsser tanben un gèst de solidaritat amb aquel país occitan per las inondacions patidas lo 17 de junh passat, just l’endeman de festejar la Fèsta d’Aran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los Catalans que manifestan per un estat pròpi. Tant de monde per la question de saber qui pagarà los foncionaris ...
Los Catalans que hèn la pròva que son los Espanhòus dab lo sens de l'umor mei agusat de tota la peninsula.
#8 Alidé Sans Subrestar, e Pèire d'Aragon rei de Catalonha e d'Occitània independentas !
#6 Quand òm a pas de personalitat òm se vestís de las pelhas dels autres.
Los catalans an as besonh de plaças en Espanha: an un molon de "platjas dels catalans" sus la Mediterranèa en començar per Gibraltar!
Alidé Sans Super Star !!! Visca Alidé !!!!!!!!!!!!!!!!!!!
Això que passa a Catalunya no és res més que la defensa de la democràcia,la llibertat i la cultura,uneix més que separa,i fa despertar consciencies(al nord i al sud),si perdem la nostra cultura ,perdem la nostra identitat,no deixarem que això passi
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari