Una setmana abans lo 40n anniversari del còp d’estat del General Pinochet, los jutges chilens an demandat perdon per lor biais d’agir pendent la dictatura. Lo principal agropament de jutges —l’Associacion dels Magistrats del Poder Judiciari— a reconegut que los organismes de la justícia podián e avián l’obligacion de far quicòm per protegir los dreches fondamentals de las victimas que patiguèron los abuses de l’estat. Se desencusan per las “accions e las omissions” dels jutges en aquel periòde.
 
La Cort Suprèma a jongut aquela actitud e a admés que se manten encara un pache de silenci. “Encara uèi s’amaga fòrça causas d’alavetz”, çò an dich.
 
La dictatura de Pinochet durèt 17 ans. S’estima que i aguèt mai de 3000 assassinats e aperaquí 40 000 personas foguèron empresonadas, dont mai d’una torturadas.